مۇناي سوڭعى رەت داعدارىستىڭ اۋىر كەزەڭٸ باستالعانعا دەيٸن, 9 ناۋرىزدا وسىنداي باعادا ساتىلعان ەدٸ, دەپ حابارلايدى ربك اگەنتتٸگٸ.
لوندونداعى ICE بيرجاسىندا Brent ماركالى مۇنايدىڭ قىركٷيەكتەگٸ فيۋچەرس باعاسى 3,32% ٶسٸپ, ياعني بٸر باررەلٸ 44,62 اقش دوللارى بولدى. مۇنى بيرجاداعى ساۋدا-ساتتىق مەلٸمەتتەرٸنەن كٶرەمٸز. WTI ماركالى امەريكالىق مۇناي فيۋچەرسٸنٸڭ قىركٷيەك ايىنداعى جەتكٸزٸلٸمدەرٸ 3,18%-عا كٶتەرٸلٸپ, باررەلٸ 42,22 اقش دوللارىن قۇرادى. مۇناي باعالارى شيكٸزاتقا سۇرانىستىڭ ودان ەرٸ قالپىنا كەلۋٸنە بايلانىستى ٶسۋدە.
ۆاكتسينانى سەتتٸ سىناقتان ٶتكٸزۋ نەتيجەسٸ تۋرالى جاقسى جاڭالىق پەن ەو ەكونوميكاسىن ىنتالاندىرۋدىڭ جاڭا باعدارلاماسىن قابىلداۋى مۇناي نارىعىنا ناۋرىز ايىنىڭ باسىنداعى دەڭگەيگە قايتا ورالۋعا سەپتٸگٸن تيگٸزدٸ.
ەۋرووداق ەلدەرٸ تٶرت كٷندٸك كەلٸسسٶزدەردەن كەيٸن كوروناۆيرۋس پاندەميياسىنان زارداپ شەككەن ەكونوميكانى قالپىنا كەلتٸرۋ جوسپارىن قابىلدادى. 21 شٸلدەدە ەۋرووداق كٶشباسشىلارى الداعى بەس جىلعا ارنالعان بيۋدجەتتٸ ماقۇلداپ, ەكونوميكانى قالپىنا كەلتٸرۋ قورىن قۇرۋ تۋرالى كەلٸستٸ.
بٸر اي قۇلدىراۋدان كەيٸن مۇناي باعاسى ناۋرىز ايىنان باستاپ ەڭ جوعارعى دەڭگەيگە جەتتٸ, ەندٸ Brent ماركالى مۇناي باررەلٸنە 46 اقش دوللارى دەڭگەيگە شەيٸن ٶسۋٸ مٷمكٸن, دەپ بولجايدى ساراپشىلار.
