Foto: Getty Images
Braziliia Joǵarǵy sotynyń alqasy ótken aptada Ilon Masktyń X áleýmettik jelisin (burynǵy Twitter) búkil el boiynsha tolyǵymen buǵattaý týraly sheshimin qoldady, dep habarlaidy VVS.
Alqanyń barlyq músheleri jelini buǵattaýdy maquldady, alaida olardyń úsheýi X biliktiń talaptaryn oryndasa, sheshim qaita qaralýy múmkin ekenin aitty.
X platformasy senbi kúni tańerteń búkil Braziliiada buǵattaldy. Osy kezde kompaniianyń úkimetpen ardaǵy daýda onyń múddesin qorǵaityn jańa advokatty taǵaiyndaý merzimi aiaqtaldy.
Jelini buǵattaý Joǵarǵy sot sýdiasy Alekshandri di Morais pen X iesi Ilon Mask arasyndaǵy qaqtyǵystyń sharyqtaý shegi boldy. Olardyń daýy sáýir aiynda, sot platforma ákimshiligine jalǵan aqparat taratqan ondaǵan akkaýnttardy buǵattaýǵa buiyryq berilgen kezde bastaldy.
Áitpese, kompaniianyń Braziliiadaǵy ókilin qamaýǵa alamyz dep qorqytty, dep málimdedi X jelisi.
Kompaniia eldegi keńsesin jaýyp, tsenzýra dep ataǵan nársege baǵynbaitynyn málimdedi. Mask sýdiany tiran jáne diktator dep atap, barlyq toqtatylǵan akkaýnttardy qaita iske qosamyn dep qorqytty.
30 tamyzda Morais jelini buǵattaý týraly sheshim shyǵaryp, sodan keiin máseleni Joǵarǵy Sottyń bes adamnan turatyn alqasyna qaraýǵa jiberdi.
Osyǵan deiin SpaceX kompaniiasynyń burynǵy qyzmetkerleri Ilon Maskty sotqa bergenin jazǵan edik.
.jpg)