Foto: ashyq derekkóz
Braziliianyń Joǵarǵy soty burynǵy prezident Jair Bolsonarýdy memlekettik tóńkeris jasaýǵa talpynǵany úshin kináli dep tanyp, 27 jyl 3 aiǵa bas bostandyǵynan aiyrý jazasyn kesti, dep habarlaidy Ult.kz.
Aiyptaý qorytyndysyna sáikes, Bolsonarý 2022 jylǵy prezident sailaýynda jeńilgennen keiin bilikte qalý úshin qylmystyq uiym quryp, demokratiialyq qurylymdy kúshpen joiýǵa árekettengen. Sonymen qatar oǵan memlekettik múlikti búldirý jáne zorlyq-zombylyq áreketterin uiymdastyrdy degen aiyptar taǵyldy.
Bul – Braziliia tarihyndaǵy buryn-sońdy bolmaǵan jaǵdai: eldiń eks-prezidenti demokratiiaǵa qarsy qylmystyq áreketteri úshin uzaq merzimge sottaldy.
Úkimge deiin úiqamaqta bolǵan Bolsonarý sheshimge apelliatsiia berýdi josparlap otyr.
Sarapshylardyń aitýynsha, bul úkim Braziliiadaǵy demokratiianyń beriktigin kórsetse, saiasi alańda jańa shielenisterge de jol ashýy múmkin.
