«Latyn Gremmi» syilyǵynyń iegeri, Braziliiadan kelgen tanymal ánshi Paýla Fernandes Dimash Qudaibergenniń shyǵarmashylyǵyna tánti boldy, dep habarlaidy "Ult aqparat" dimashnews.com saityna silteme jasap.
Paýla Fernandes – áigili braziliialyq ánshi, án avtory jáne mýlti-instrýmentalist. 11 sáýirde ol Instagram-da Dimashtyń «S. O. S» ánin oryndaǵany týraly post jariialady, onda ol qazaqstandyq oryndaýshynyń shyǵarmashylyǵy týraly bylai dep jazba qaldyrǵan bolatyn:
«Mine, «jaqsy oryndaýshy» tirkesiniń eń dál anyqtamasy. Men bul beineni tańqala kórdim jáne ony sizdermen bólisý eń ádil sheshim dep oiladym. Jai ǵana fenomen! Men bul beinejazbaǵa siltemeni storizde qaldyrdym, sondyqtan sizder de ony kóre alasyzdar!»
Braziliialyq Dears bul oqiǵaǵa qatty qýandy. Olar Paýlanyń jazǵan posty Dimashtyń shyǵarmashylyǵyn Latyn Amerikasynda da, búkil álemde tanymal etýge aitarlyqtai yqpal etedi dep sanaidy.
Paýla Fernandes 1984 jyly Minas-Jerais shtatyndaǵy Seti-Lagoas qalasynda dúniege kelgen. Ol 10 jasynda óziniń alǵashqy «Paula Fernandes» albomyn shyǵaryp, erte jastan án aita bastady.
Osy ýaqytta ánshi túrli is-sharalarda óner kórsetti, sonymen qatar óz shyǵarmashylyǵyn nasihattaý úshin teledidar men radio baǵdarlamalaryna qatysty.
1995 jyly Ana Raio laqap atymen ánshi kelesi «Voarei» albomyn shyǵardy. 2005 jyly onyń jańa «Canções do Vento Sul» («Ońtústik jeldiń ánderi») diskisi shyǵaryldy, al 2007 jyly aǵylshyn tilindegi «Dust in the Wind» («Jeldegi shań») shyǵarmasy jaryq kórdi, ol keiinnen Braziliialyq «Ómir paraqtary» telehikaiasynyń saýndtregi boldy.
2008 jyly ánshi Universal Music leiblmen jumys istei bastady jáne 2009 jyly besinshi stýdiialyq «Pas-Paro de Fogo» albomyn shyǵardy. Sol jerden titýldyq trek Braziliianyń mýzykalyq diagrammalarynyń shyńyna jetti, bul Paýlanyń dańqyn shyqardy.
Paýla Fernandes óziniń mansabynda jazbalarynyń 5,6 millionǵa jýyq kóshirmesin satty. Braziliiadan basqa, onyń gastrolderi Eýropa, AQSh jáne Afrikada da ótti. 2011 jyly ol Google-diń suranysy boiynsha eń tanymal braziliialyq tulǵa boldy.
Ánshi Latin Grammy, Brazilian Music Multishow Award, Brazilian Music Award, my Nick Awards, Press Trophy, best of Year jáne Internet Trophy siiaqty oiyn-saýyq indýstriiasynda birneshe marapattarǵa ie boldy jáne usynyldy.
Paýla kóptegen tanymal mýzykanttarmen, sonyń ishinde Plasido Domingo, Teilor Svift, Shanaia Tvein, Maikl Bolton, Hýan, Alehandro Sanspen birge jumys isteidi. Sonymen qatar, ol braziliialyq telehikaialar men filmderdiń saýndtrekterine arnalǵan 20-dan astam án jazdy.
