Braziliiada ótken jeksenbiden beri iz-túzsiz joǵalyp ketken jýrnalist pen jergilikti halyqtardyń mádenietin zerttep júrgen sarapshy izdestirilip jatyr. Britandyq Dom Filips pen braziliialyq Brýno Pereir Perýmen shekaraǵa jaqyn mańdaǵy Javari nýynda joǵalǵan, dep habarlaidy QazAqparat Euronews-ke silteme jasap.
«Biz tergeý nusqalarynyń birde-birin eleýsiz qaldyrmaimyz. Eki basty baǵytymyz bar. Izdeý toqtaǵan joq. Qylmys ta jasalǵan bolýy múmkin», - deidi Amazonas shtaty politsiiasynyń bastyǵy Aleksandr Edýardo Fontes.
Búginge deiin politsiiaǵa 6 adam habar aitqan.
Jergilikti halyqtar isi jónindegi agenttik ókili Marselo Ksave Vale-dý-Javaridiń aýmaǵy eki Portýgaliia territoriiasyna teń ekenin jáne bul aimaqtyń asa qonaqjai emesin esekerý kerektigin alǵa tartady.
«Eki adam ǵana bolyp, qaýipsizdik organdaryna resmi túrde eskertpesten, jergilikti halyqtar turatyn aýmaqqa kirip ketkeni qiyn jaǵdai bolyp tur», - deidi ol.
Adamdar Dom Filips pen Brýno Prereiranyń sońǵy ret qaiyqpen serýen quryp júrgenin kórgen. Olardyń izinen ergen er adamdy saqshylar ustap, keiinnen bosatqan.
