برازيلييادا ٶتكەن جەكسەنبٸدەن بەرٸ ٸز-تٷزسٸز جوعالىپ كەتكەن جۋرناليست پەن جەرگٸلٸكتٸ حالىقتاردىڭ مەدەنيەتٸن زەرتتەپ جٷرگەن ساراپشى ٸزدەستٸرٸلٸپ جاتىر. بريتاندىق دوم فيليپس پەن برازيلييالىق برۋنو پەرەير پەرۋمەن شەكاراعا جاقىن ماڭداعى جاۆاري نۋىندا جوعالعان, دەپ حابارلايدى قازاقپارات ەuronews-كە سٸلتەمە جاساپ.
«بٸز تەرگەۋ نۇسقالارىنىڭ بٸردە-بٸرٸن ەلەۋسٸز قالدىرمايمىز. ەكٸ باستى باعىتىمىز بار. ٸزدەۋ توقتاعان جوق. قىلمىس تا جاسالعان بولۋى مٷمكٸن», - دەيدٸ امازوناس شتاتى پوليتسيياسىنىڭ باستىعى الەكساندر ەدۋاردو فونتەس.
بٷگٸنگە دەيٸن پوليتسيياعا 6 ادام حابار ايتقان.
جەرگٸلٸكتٸ حالىقتار ٸسٸ جٶنٸندەگٸ اگەنتتٸك ٶكٸلٸ مارسەلو كساۆە ۆالە-دۋ-جاۆاريدٸڭ اۋماعى ەكٸ پورتۋگالييا تەرريتوريياسىنا تەڭ ەكەنٸن جەنە بۇل ايماقتىڭ اسا قوناقجاي ەمەسٸن ەسەكەرۋ كەرەكتٸگٸن العا تارتادى.
«ەكٸ ادام عانا بولىپ, قاۋٸپسٸزدٸك ورگاندارىنا رەسمي تٷردە ەسكەرتپەستەن, جەرگٸلٸكتٸ حالىقتار تۇراتىن اۋماققا كٸرٸپ كەتكەنٸ قيىن جاعداي بولىپ تۇر», - دەيدٸ ول.
ادامدار دوم فيليپس پەن برۋنو پرەرەيرانىڭ سوڭعى رەت قايىقپەن سەرۋەن قۇرىپ جٷرگەنٸن كٶرگەن. ولاردىڭ ٸزٸنەن ەرگەن ەر ادامدى ساقشىلار ۇستاپ, كەيٸننەن بوساتقان.
