Braziliianyń prezidenti Jair Bolsonarý ózinen koronavirýs anyqtalǵanyn rastady. Bul týraly QazAqparat VVS-ge silteme jasap habarlaidy.
Buǵan deiin koronavirýstyń qaýiptiligin joqqa shyǵaryp kelgen Braziliia prezidenti Jair Bolsonarý ózinen COVID-19 anyqtalǵanyn rastady. Ol sońǵy birneshe aida tórtinshi ret test tapsyrýǵa májbúr bolǵan. Sebebi ystyǵy kóterilgen. Sonymen birge óziniń jaǵdaiy jaqsy ekenin, tek jeńil túrdegi belgiler baiqalatynyn aitqan. Al jeksenbi kúni Braziliia basshysy densaýlyǵy nasharlaǵanyn málimdedi.
65 jastaǵy Bolsonarý senbi kúni AQSh elshisimen kezdesý kezinde maska taqpai túsken sýretin jariialaǵan bolatyn. Ol koronavirýs bar-joǵy jeńil túrdegi sýyq tiiý ekenin birneshe ret aitqan edi. Djons Hopkins ýniversitetiniń málimetinshe, álem boiynsha kornavirýs juqtyrǵandar sany – 11 mln 798 myń 678 adam.
Qaýipti virýstan 543 538 naýqas kóz jumdy, 6,3 mln-ny saýyǵyp shyqty. Indetti juqtyrǵandar sany eń kóp 10 eldiń tizimi:
AQSh – 2 993 759
Braziliia - 1 668 589
Úndistan – 719 665
Resei – 693 215
Perý – 309 278
Chili – 301 019
Ulybritaniia – 287 874
Meksika – 268 008
Ispaniia – 252 130
Iran – 245 688
