Shyǵys Qazaqstan oblysynda brakonerler memlekettik inspektorlarǵa shabýyl jasady, dep habarlaidy "Ult aqparat" QR AShM Orman sharýashylyǵy jáne janýarlar álemi komitetine silteme jasap.
Balyqtardyń ýyldyryq shashýy kezinde inspektorlar josparly reid júrgizgen.
«23 sáýirde keshki saǵat 18.30-dar shamasynda Kókpekti orman sharýashylyǵy jáne janýarlar dúniesi bóliminiń memlekettik inspektorlary balyqtardyń ýyldyryq shashý kezinde Shyǵys Qazaqstan oblysy, Jaisan kóliniń Bazarka aýmaǵynda reid júrgizgen. Reid barysynda bólimniń eki inspektoryna Tassai aýylynyń turǵyndary tarapynan shabýyl jasaldy», - dep jazdy QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet áleýmettik jelide.
Baspasóz hatshysynyń habarlaýynsha, 5 qaiyqtaǵy 10 adam inspektorlarǵa kúsh kórsetip, balaǵattap, eskektermen qaiyqty uryp-soǵyp, aýdaryp jibermek bolǵan.
Atalǵan fakti boiynsha Kókpekti aýdandyq politsiia bólimine aryz joldandy.
