Kiik atqysh brakonerler aiylyn jiiar emes. QR Ekologiia, geologiia jáne tabiǵi resýrstar vitse-ministri Erlan Nysanbaev búgin Ortalyq kommýnikatsiialar qyzmetinde ótken brifingte osylai málim etti.
«Kiik - Qazaqstannyń brendi. Álemdegi kiik popýliatsiiasynyń 90 paiyzy Qazaqstan aýmaǵynda shoǵyrlanǵan. Búginde el aýmaǵynda 334 myńdai kiik bar. 2015 jylǵy indetten 100 myń bas kóleminde kiik qyrylǵanyn bilesizder. Sol oqiǵa bolmaǵanda qazir olardyń sany jarty millionǵa jetken bolar edi. 2018 jyldan beri brakonerler 719 kiikti qyryp salǵan. Olardan 501 dana múiiz tárkilendi. Eń ókinishtisi, tabiǵi biregeilikti saqtaý jolynda áriptesterimizden aiyrylyp jatyrmyz», - dedi vitse-ministr.
