كيٸك اتقىش براكونەرلەر ايىلىن جييار ەمەس. قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەرلان نىسانباەۆ بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە وسىلاي مەلٸم ەتتٸ.
«كيٸك - قازاقستاننىڭ برەندٸ. ەلەمدەگٸ كيٸك پوپۋلياتسيياسىنىڭ 90 پايىزى قازاقستان اۋماعىندا شوعىرلانعان. بٷگٸندە ەل اۋماعىندا 334 مىڭداي كيٸك بار. 2015 جىلعى ٸندەتتەن 100 مىڭ باس كٶلەمٸندە كيٸك قىرىلعانىن بٸلەسٸزدەر. سول وقيعا بولماعاندا قازٸر ولاردىڭ سانى جارتى ميلليونعا جەتكەن بولار ەدٸ. 2018 جىلدان بەرٸ براكونەرلەر 719 كيٸكتٸ قىرىپ سالعان. ولاردان 501 دانا مٷيٸز تەركٸلەندٸ. ەڭ ٶكٸنٸشتٸسٸ, تابيعي بٸرەگەيلٸكتٸ ساقتاۋ جولىندا ەرٸپتەستەرٸمٸزدەن ايىرىلىپ جاتىرمىز», - دەدٸ ۆيتسە-مينيستر.
