Batys Qazaqstan oblysynyń Jánibek aýdanynda er adam óziniń 18 jastaǵy nemere aǵasyn óltirip, keiin ony segiz kún boiy týystarymen birge izdegen, dep habarlaidy ult.kz.
Sot materialdaryna sáikes, oqiǵa 19 mamyrǵa qaraǵan túni dastarhan basynda bolǵan. 26 jastaǵy er adam týysymen janjaldasyp qalyp, 18 jastaǵy nemere aǵasyna as úi pyshaǵymen keminde 15 ret pyshaq suqqan. Sonymen qatar ony uryp-soqqan. Jas jigit alǵan jaraqatynan oqiǵa ornynda qaza tapqan.
Odan keiin er adam máiitti úidiń artyndaǵy qoqys shuńqyryna kómip, ózi uiyqtap qalǵan.
Kelesi segiz kún boiy ol týystarymen birge joǵalǵan jigitti izdeýge qatysqan. Tipti áleýmettik jelide onyń joǵalǵany týraly jazbalar jariialap, máiit jasyrylǵanyn bilmegen otbasy músheleriniń janynda júrgen.
Qylmys kýágerlerdiń bergen kórsetýleri arqyly ashylǵan.
Sot er adamdy adam óltirý boiynsha kináli dep tanyp, 12 jylǵa ortasha qaýipsizdik mekemesine bas bostandyǵynan aiyrý jazasyn taǵaiyndady. Sonymen qatar ony alkogolizm men nashaqorlyqtan májbúrli túrde emdeýge jiberý týraly sheshim shyǵaryldy.
