Qaraqiia aýdanynyń ákimi Qydyrberdi Bekov pen «Tethys Aktau IV» JShS kompaniiasynyń bas direktory Arman Niiazbekov ózara yntymaqtastyq týraly memorandýmǵa qol qoidy, dep habarlaidy "Ult aqparat".
Memorandýmnyń maqsaty – Qaraqiia aýdanynyń aýmaǵynda etnoaýyl jobasyn iske asyrý.
Qujat boiynsha investor «Tethys Aktau IV» JShS kompaniiasyna birqatar negizgi mindetter júkteldi.
Atap aitqanda, investor jergilikti turǵyndardy jumysqa tartyp, qonaq úi jáne meiramhana isi boiynsha qyzmet kórsetý salasynda mamandar daiarlaý jáne oqytý kýrstaryn ótkizý mindetin moinyna aldy.
Sonymen birge, shaǵyn jáne orta biznesti qoldaý maqsatynda jergilikti kásipkerler jáne aýyl azamattarymen (taýar, aýylsharýashylyǵy ónimderin óndirýshilermen, qoldanbaly óner, qolóner sheberlerimen jáne basqa) shart jasasýdy kózdeidi.
Etnoaýyldan «Bozjyra» shatqalyna deiin týristerdi jetkizýde jergilikti turǵyndardan túie, jylqy janýarlaryn jalǵa alý jaiyn qarastyrady.
Budan bólek, investor ulttyq qolóner buiymdaryn jasaityn turǵyndardyń ónimderinen jármeńkeler uiymdastyrýǵa jáne olardy satýǵa arnalǵan arnaiy oryndardy bólýi qajet.
Sondai-aq, investor ulttyq taǵamdardy as mázirine qosý, qolóner sheberlerine, tiginshi dizainerlerge, sýretshilerge jáne ózge de shyǵarmashylyq ókilderine arnaiy alańdar bóledi.
Investor etnoaýyl qyzmetkerleriniń biryńǵai kiimderin oiý-órnekterdi qosa otyryp, ulttyq naqyshta ázirleý múmkindigin qarastyrýdy mindetine alyp, qazaqtyń kiiz úiin nasihattaý, týristerge tanystyrý maqsatynda kiiz úiler tigý úshin arnaiy oryn bólý múmkindigin qarastyrady.
Investorǵa etnoaýyl jobasyn júzege asyrýda ekoortaǵa - florasy men faýnasyna, topyraq qabattaryna, janýarlar álemine zalal timeýin eskere otyryp, mádeni týrizmdi damytý mindetteledi.
Sonymen qatar ákimdik etnoaýyl jobasyn júzege asyrý jumystaryn uiymdastyrýdy, injenerlik-infraqurylymdyq jelimen qamtamasyz etilýin baqylaýdy mindetine alady.
