Kollaj: Tengrinews.kz
Bozjyra shatqaly mańynda test-draiv uiymdastyrǵandar men júrgizýshiler anyqtaldy. Bul týraly Mańǵystaý oblysy Politsiia departamenti habarlady, dep jazady Tengrinews.kz.
"2022 jyldyń 16 mamyrynda blogerler Bozjyra shatqaly mańynda jol talǵamaityn kólikpen test-draiv uiymdastyrǵan. Búginde júrgizýshiler men uiymdastyrýshylar anyqtaldy. Júrgizýshi memlekettik nómersiz júrgeni úshin Ákimshilik quqyqbuzýshylyq týraly kodekstiń 590-baby, 2-bóligi boiynsha ákimshilik hattama toltyryldy", - dedi PD ókilderi.
Eske salaiyq, blogerdiń komandasy Bozjyrada túsirgen video Qaznetti ashýlandyrǵan bolatyn. Aqtaýlyq bloger Azamat Sársenbaev Facebook-tegi paraqshasynda Bozjyra shatqalynda túsirilgen qysqa rolik jariialady. Onyń kadrlarynan er adam balǵamen tasty jerdi uryp, úgitip jatqanyn baiqaýǵa bolady. Kadr syrtyndaǵy daýys olar muny avtomobilmen óte alýy úshin jasap jatqanyn aitady. Jariialanym avtory olardyń áreketin sókken.
