كوللاج: Tengrinews.kz
بوزجىرا شاتقالى ماڭىندا تەست-درايۆ ۇيىمداستىرعاندار مەن جٷرگٸزۋشٸلەر انىقتالدى. بۇل تۋرالى ماڭعىستاۋ وبلىسى پوليتسييا دەپارتامەنتٸ حابارلادى, دەپ جازادى Tengrinews.kz.
"2022 جىلدىڭ 16 مامىرىندا بلوگەرلەر بوزجىرا شاتقالى ماڭىندا جول تالعامايتىن كٶلٸكپەن تەست-درايۆ ۇيىمداستىرعان. بٷگٸندە جٷرگٸزۋشٸلەر مەن ۇيىمداستىرۋشىلار انىقتالدى. جٷرگٸزۋشٸ مەملەكەتتٸك نٶمەرسٸز جٷرگەنٸ ٷشٸن ەكٸمشٸلٸك قۇقىقبۇزۋشىلىق تۋرالى كودەكستٸڭ 590-بابى, 2-بٶلٸگٸ بويىنشا ەكٸمشٸلٸك حاتتاما تولتىرىلدى", - دەدٸ پد ٶكٸلدەرٸ.
ەسكە سالايىق, بلوگەردٸڭ كومانداسى بوزجىرادا تٷسٸرگەن ۆيدەو قازنەتتٸ اشۋلاندىرعان بولاتىن. اقتاۋلىق بلوگەر ازامات سەرسەنباەۆ Facebook-تەگٸ پاراقشاسىندا بوزجىرا شاتقالىندا تٷسٸرٸلگەن قىسقا روليك جارييالادى. ونىڭ كادرلارىنان ەر ادام بالعامەن تاستى جەردٸ ۇرىپ, ٷگٸتٸپ جاتقانىن بايقاۋعا بولادى. كادر سىرتىنداعى داۋىس ولار مۇنى اۆتوموبيلمەن ٶتە الۋى ٷشٸن جاساپ جاتقانىن ايتادى. جارييالانىم اۆتورى ولاردىڭ ەرەكەتٸن سٶككەن.
