Qazaqstandaǵy munai óńdeý zaýyttarynda óńdelgen ónimder kólemi úsh mln. tonnaǵa artady. Bul týraly búgin QR Energetika ministrliginiń alqa májilisinde atalǵan vedomstvonyń basshysy Qanat Bozymbaev málim etti, dep habarlaidy Ult.kz tilshisi QazAqparat agenttigine silteme jasap.
«Memleket basshysy óz Joldaýynda munai óńdeý kólemin arttyrý qajettigin erekshe atap ótti. Úsh otandyq munai óńdeý zaýytyn jańǵyrtqannan soń, munai óńdeý kólemi 2019 jyldan keiin 14,5-ten 17,5 mln. tonnaǵa deiin ósedi. Tústi munai ónimderiniń, iaǵni benzin, dizel otyny, aviaotynnyń óndirisi artady», - dedi ministr.
Bozymbaevtyń sózine qaraǵanda, jańǵyrtylǵan munai óńdeý zaýyttary iske qosylyp, jobalyq qýatyna kóshken kezde elimizdiń ishki qajettiligin otandyq munai ónimderimen tolyqtai qamtamasyz etýge múmkindik bolady.
«Osy jumystardyń nátijesinde janar-jaǵarmai importyna táýeldilik joiylady dep kútilýde», - dep atap ótti vedomstvo basshysy.
Aita keteiik, búginde Qazaqstanǵa janar-jaǵarmaidyń qajetti bir bóligin Reseiden tasymaldanýda. Ásirese, suranysy joǵary AI-92 benzini kórshiles elden importtalýda.
