Qazaqstan Respýblikasynyń energetika ministri Qanat Bozymbaev benzin baǵasynyń ne sebepti óskenin túsindirdi, - dep habarlaidy "Ult aqparat" kaz.tengrinews.kz portalyna silteme jasap.
"Qymbattaýdyń bir sebebi - bul eki apta buryn import benzini satyp alynǵan kezde teńgeniń rýblge shaqqandaǵy baǵamynyń ózgerýi. Osyǵan orai reseilik benzinniń baǵasy ósti. Ózderińiz biletindei, ótken jyldan bastap teńge baǵamy rýblge shaqqanda 20 paiyzǵa álsiredi. Sol sebepti de rýblmen alǵanda ondai qymbat emes, al teńgege aýdarǵanda biraz qymbatqa túsip qalatyny anyq", - dedi Bozymbaev.
Onyń aitýynsha, Qazaqstanda munai tapshylyǵy bolmaidy. "Barlyq munai óńdeý zaýyttarymyz jumys istep tur, barlyǵy durys. Qajetti mólsherde óńdelip jatyr, munai tapshylyǵy joq jáne bolmaidy da", - dedi ol.
Eske salaiyq, Qazaqstanda AI-92 markaly benzin qymbattady.
