Qazan-qarasha ailarynda AI-92 markaly benzinniń baǵasy 160-161 teńge bolýy tiis. Mundai boljamdy búgin Úkimettiń selektorlyq rejimdegi otyrysynan keiin BAQ ókilderine suhbat bergen QR Energetika ministri Qanat Bozymbaev jasady, dep habarlaidy "Ult aqparat".
«Reseilik benzin qazaqstandyq benzinge qaraǵanda qymbat. Sondyqtan onyń Qazaqstandaǵy baǵasy 171 teńge bolýy múmkin. Sondyqtan biz iri jelilik kompaniialarmen olar baǵany teńestirýi úshin import kólemi teń benzin berip otyramyz dep ýaǵdalastyq. Qazan aiynyń sońy men qarasha aiynyń basynda ortasha baǵasy litrine 160-161 teńge bolýy tiis dep sanaimyz», - dedi Qanat Bozymbaev.
Sonymen qatar ol kórshi elderden benzin importtaý qajettigine bailanysty janarmaidyń elimizdegi baǵasy joǵary bolyp otyrǵandyǵyn basa aitty.
«Baǵa joǵary. Biraq, bul ósim bolmasa Qazaqstanǵa benzin ákele almaimyz. Qazanda reseilik benzinniń úlesi shamamen 40 paiyz bolsa, qarashada biz ony 30, al jeltoqsanda 20 paiyzdan tómendeidi dep boljap otyrmyz», - dedi ministr.
Munan bólek, Bozymbaev taiaý ýaqytta elimizde benzin tapshylyǵy bolmaityndyǵyna sendirdi.
«Atyraý men Shymkenttegi eki iri munai óndeý zaýytymyz jáne «Kondensat» AQ AI-92 markaly benzinniń 170 myń tonnasyn óndiredi dep boljap otyrmyz. Buǵan qosa, iri kompaniialar reseilik munai kompaniialarymen 100 myń tonnadan astam benzin alýǵa shart jasasty», - dedi ol.
