قازان-قاراشا ايلارىندا اي-92 ماركالى بەنزيننٸڭ باعاسى 160-161 تەڭگە بولۋى تيٸس. مۇنداي بولجامدى بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىنان كەيٸن باق ٶكٸلدەرٸنە سۇحبات بەرگەن قر ەنەرگەتيكا مينيسترٸ قانات بوزىمباەۆ جاسادى, دەپ حابارلايدى "ۇلت اقپارات".
«رەسەيلٸك بەنزين قازاقستاندىق بەنزينگە قاراعاندا قىمبات. سوندىقتان ونىڭ قازاقستانداعى باعاسى 171 تەڭگە بولۋى مٷمكٸن. سوندىقتان بٸز ٸرٸ جەلٸلٸك كومپانييالارمەن ولار باعانى تەڭەستٸرۋٸ ٷشٸن يمپورت كٶلەمٸ تەڭ بەنزين بەرٸپ وتىرامىز دەپ ۋاعدالاستىق. قازان ايىنىڭ سوڭى مەن قاراشا ايىنىڭ باسىندا ورتاشا باعاسى ليترٸنە 160-161 تەڭگە بولۋى تيٸس دەپ سانايمىز», - دەدٸ قانات بوزىمباەۆ.
سونىمەن قاتار ول كٶرشٸ ەلدەردەن بەنزين يمپورتتاۋ قاجەتتٸگٸنە بايلانىستى جانارمايدىڭ ەلٸمٸزدەگٸ باعاسى جوعارى بولىپ وتىرعاندىعىن باسا ايتتى.
«باعا جوعارى. بٸراق, بۇل ٶسٸم بولماسا قازاقستانعا بەنزين ەكەلە المايمىز. قازاندا رەسەيلٸك بەنزيننٸڭ ٷلەسٸ شامامەن 40 پايىز بولسا, قاراشادا بٸز ونى 30, ال جەلتوقساندا 20 پايىزدان تٶمەندەيدٸ دەپ بولجاپ وتىرمىز», - دەدٸ مينيستر.
مۇنان بٶلەك, بوزىمباەۆ تاياۋ ۋاقىتتا ەلٸمٸزدە بەنزين تاپشىلىعى بولمايتىندىعىنا سەندٸردٸ.
«اتىراۋ مەن شىمكەنتتەگٸ ەكٸ ٸرٸ مۇناي ٶندەۋ زاۋىتىمىز جەنە «كوندەنسات» اق اي-92 ماركالى بەنزيننٸڭ 170 مىڭ تونناسىن ٶندٸرەدٸ دەپ بولجاپ وتىرمىز. بۇعان قوسا, ٸرٸ كومپانييالار رەسەيلٸك مۇناي كومپانييالارىمەن 100 مىڭ توننادان استام بەنزين الۋعا شارت جاساستى», - دەدٸ ول.
