«Bozoq» tarihi-mádeni mýzei qoryǵynyń direktory Sáýle Bóribaeva Qazaqstan astanasynda mýzei ashý perspektivalary týraly aitty, dep habarlaidy QazAqparat.
«2020 jyly mýzei-qoryqtyń qyzmetin jetildirýge múmkindik beretin 24 normativtik-quqyqtyq akt qabyldandy. «Bozoq» qalashyǵy ulttyq parkiniń jobasy úlgisinde rebrendingtiń áleýeti bul salada zor ekenin kórsetkimiz keledi. Joba eýraziialyq dala órkenietiniń alýan túrliligi men bailyǵyn pash etý boiynsha órshil mindetterdi sheshýdi» - dedi Sáýle Bóribaeva Mádeniet jáne sport ministrliginiń keńeitilgen alqa májilisinde.
Spiker Bozoq qalashyǵy myńjyldyq tarihtyń kózi ekenin eske saldy.
«Aqyshev pen Habdýlina siiaqty ǵalymdar Bozoq qalashyǵynyń mádeni mańyzy eskertkishtiń kópquramdy, birneshe tarihi qabaty bar bolýymen bailanysty ekenin aityp ketken. Tarihi nysanmen bailanysty bul jobanyń investitsiialyq áleýeti zor. Eneolit dáýirinen bastap qazirgi zamanǵa deiingi dala órkenietiniń, mádenieti men etnografiiasynyń san túrli qatparyn boiyna sińirgen ǵibadathanalar men mádeni qurylymdar bar. Metallýrgiia jáne qysh óndirisiniń ejelgi tehnologiialyq keshenderi bar. Solardy qalpyna keltirý úshin 4 ǵylymi tujyrymdama jasaldy. Jobanyń investitsiialyq baǵyty boiynsha amfiteatr ashý kózdelgen. Shyǵys bazarynyń ailaǵy, otbasylyq demalys ortalyǵy, biopark salý usynylady», - dep tolyqtyrdy Sáýle Bóribaeva.
