Qazaqstan májilisiniń depýtaty Vladimir Bojko Azattyq tilshisine "halyq memleketke tizerlep, alǵys aitý kerek" degen sózi jaily pikir bildirdi, dep habarlaidy "Ult aqparat".
Májilis otyrysynan shyqqan Bojko "Eshkimdi renjitkim kelgen joq. biraq masyldyqqa qarsymyn. Osyny aitqym kelgen" dedi.
"Jelide Bojko myrza aitqan sózi úshin halyqtan keshirim suraýy kerek degen pikir aitylyp jatyr. Buǵan ne deisiz?" degen saýalǵa ol "taǵy qaitalap aitamyn, masyldyqqa qarsymyn. Sondyqtan solai aittym" dep jaýap berdi.
Májilis tóraǵasynyń orynbasary Vladimir Bojko 3 qyrkúiekte Qazaqstan halyqtary assambleiasynyń otyrysynan keiin jergilikti Tengrinews.kz saityna bergen suhbatynda "Biliktiń ne istep jatqanyn kórip, túsiný kerek. Úsh jyldyń ishinde áleýmettik kómek 17 ese ósken. Osydan-aq túsinýge bolady. Osy úshin memleketke tizerlep, alǵys aitý kerek. Adam jumys istemeidi, keiin "buǵan bárin ber" dep shyǵa keledi. Ondai adamdy "stoiloǵa" (mal qoradaǵy oryn - red.) qoiatyn qoǵam pikiri bolý kerek" degen.
Bul pikiri jelide synǵa ushyrap, jurt "depýtattan keshirim suraýdy talap etken".
