Aqmola oblysynda sýǵa qulaǵan boijetkendi qutqarmaq bolǵan 29 jastaǵy jigittiń ózi sýǵa batyp ketti, dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvonyń málimetinshe, qaiǵyly jaǵdai maýsymnyń 21-de tańǵy saǵat 05:00 shamasynda Tselinograd aýdanynyń Orazaq aýylynda bolǵan.
«Izdestirý jumystaryna Nur-Sultan qalasynyń TJD «Órt sóndirý jáne avariialyq-qutqarý jumystary qyzmeti» MM jedel qutqarý jasaǵynyń kúsh-quraldary tartyldy. Belgili bolǵandai, toǵyz adamnan turatyn jastar Nura ózenine demalýǵa barǵan. Tańǵy saǵat 05:00 shamasynda qyzdardyń biri jardan sýǵa qulap ketken. Sol kezde onyń artynan kómekke eki jigit sýǵa sekirgen. Onyń biri boijetkendi jaǵaǵa alyp shyqsa, 1991 jyly týǵan jigit sýǵa batyp ketti», - deidi TJD bastyǵynyń mindetin atqarýshy Manarbek Shapaǵatov.
Aita keteiik, jyl basynann beri oblysta 7 adam sýǵa ketip, 20 adam qutqarylǵan.
