Foto: baq.kz
«AMANAT» partiiasy fraktsiiasy depýtattary shekara mańyndaǵy aýdandardy damytýǵa qatysty jańa zań qabyldaýdy usyndy dep habarlaidy Ult.kz.
Qazirgi tańda Qazaqstannyń 14 oblysy kórshiles 5 elmen (Resei, Qytai, Ózbekstan, Qyrǵyzstan jáne Túrkimenstan) shektesedi. Shekaralyq aimaqtarda 65 aýdan bar. Onda 3,5 mln adam turady. Al shekaranyń túbinde, iaǵni shekaradan 50 shaqyrymdyq aralyqta 1,7 mln. halyq turatyn 1 283 eldi meken ornalasqan.
Alaida, kezinde júrgizilgen aýdandardy biriktirý, klimattyń qolaisyzdyǵy, jumyssyzdyq, kólik qatynasynyń nasharlyǵy, áleýmettik jáne injenerlik infraqurylymnyń tozýy, Keńes Odaǵy kezinde shekaralyq aýdandarda halyq sanyn turaqtandyrý úshin qoldanylǵan jeńildikterdiń joiylýy sekildi kóptegen sebepten búginde 65 shekara mańyndaǵy aýdannyń 40-ynda halyq sany azaiyp ketken. Ásirese, bul aýa-raiy qatań Soltústik Qazaqstan, Qostanai, Pavlodar, Shyǵys Qazaqstan oblystarynda anyq baiqalýda.
"Osyǵan bailanysty Memleket basshysynyń tikelei bastamasymen Shyǵys Qazaqstan, Abai oblystarynda Qaton-Qaraǵai, Marqakól, Tarbaǵatai, Maqanshy aýdandarynyń ashylýy óte oryndy is bolǵanyn atap ótken jón. Bul sol aýdandardyń áleýmettik-ekonomikalyq damýyna oń áser etti.Sonymen birge, Prezidenttiń tapsyrmasyna sáikes osy kezge deiin daiyndalǵan óńirlerdi damytýǵa baǵyttalǵan birqatar memlekettik strategiialyq qujattar men baǵdarlamalarda da shekaralyq aýmaqtarǵa qoldaý kórsetý sharalary qamtylǵan. Degenmen, osy qujattarda qarastyrylǵan shekaralyq eldi mekenderge berilýi tiis jeńildikter áli de is júzine aspady. Bul shekaralyq aýdandarǵa qatysty kózdelgen memlekettik qoldaý tetikteriniń túrli normativtik aktilerde shashyrap ketýine, olardy úilestiretin jaýapty ýákiletti organnyń bekitilmeýine, memlekettik sýbsidiialardy bólýde jáne ulttyq jobalardy iske asyrýda belgili bir sanattarǵa naqty basymdyqtardyń belgilenbeýine bailanysty bolyp otyr. Sonyń saldarynan shekaralyq aýdandardaǵy birqatar eldi mekenderden turǵyndardyń jappai kóshýi tolastamai tur. Bul óz kezeginde shekara mańyndaǵy aýmaqtardyń bos qalyp, ulttyq, aýmaqtyq qaýipsizdiktiń álsireýine alyp kelýde", -deidi Májilis depýtaty Erlan Sairov.
«Bos jatqan jer jaý shaqyrady» degen Erlan Sairov bul mańyzdy máselege jiti nazar aýdaryp, ony tiimdi sheshý joldaryn shuǵyl qarastyrǵanymyz jón dep esepteidi.
"Sondyqtan elimizdiń shekaralyq qaýipsizdigin qamtamasyz etý, shekaralyq aýdandarda halyqtyń turaqtaýyn yntalandyrý, ishki kóshi-qondy retteý jáne eńbek resýrstaryn tiimdi paidalaný úshin shekaralyq aýdandarǵa arnaiy mártebe berýdi kózdeitin «Qazaqstan Respýblikasynyń shekaralyq aýmaqtaryn damytý týraly» arnaiy zań qabyldaý óte mańyzdy", -degen depýtat bul zań qabyldansa, el aýmaǵyn tiimdi paidalanýǵa, shekaralyq aýdandardy memlekettik qoldaý sharalaryn bir júiege túsirýge, halyqtyń shekaralyq aýmaqtarda turaqtanýyna, óńirdiń damýyna jáne aýmaqtyq qaýipsizdigimizdi qamtamasyz etýge zor serpin beredi dep esepteidi.
Osy rette, depýtat «AMANAT» partiiasy jaqyn arada Memleket basshysynyń tapsyrmasyna sáikes atalǵan zań jobasyn daiyndap, usynatynyn málimdedi.
