Ulybritaniianyń burynǵy syrtqy ister ministri, Konservatorlar partiiasynyń atynan depýtat Boris Djonson eldiń premer-ministri bolyp taǵaiyndaldy. Djonson burynǵy premer-ministr Tereza Meige qyzmeti úshin alǵys aitty.
Djonsonnyń kandidatýrasyn partiianyń 90 myń múshesi qoldap daýys bergen. Al eldiń qazirgi syrtqy ister ministri Djeremi Hantty 40 myń adam qoldaǵan. Ulybritaniiada britaniialyq partiianyń barlyq múshesi daýys berý quqyǵyna ie. Sailaýǵa partiianyń 159 320 múshesiniń 87,4% qatysqan.
Boris Djonson sársenbige deiin jumysyna resmi túrde kirise almaidy. Tereza Mei hanshaiymǵa otstavka jóninde ótinish bildirmes buryn premer-ministr retinde Qaýymdar palatasynda sońǵy ret saýaldarǵa jaýap beretin bolady.
Keiin Boris Djonson laýazymyn rastaý úshin Býkingem saraiyna, artynan 10 nómirindegi tanymal qara esiktiń aldynda sóz sóileý úshin Daýning-stritke attanady.
Boris Djonson ázirge qyzmetine kirisken joq, alaida sailaýǵa qatysýynyń ózi britaniialyq biliktiń negizgi músheleriniń arasynda qarsylyq týǵyzdy. Olar Londonnyń burynǵy merimen jumys istegennen góri jumystan ketýge nietti ekenderin málim etti.
The Guardian aqparatyna sáikes, olar Boris Djonsonnyń Ulybriiataniiany Eýropalyq Odaqtan shyǵarý merzimin taǵy birshama ýaqytqa uzartpai, 31 qazanǵa belgilegenine alańdaýly.
El úkimetin basqarǵan Tereza Mei mamyrdyń sońynda otstavkaǵa ketetinin málimdegen. Ol Ulybritaniianyń Eýropa odaǵynan shyǵý isin sońyna deiin jetkize almaǵany úshin halyqtan keshirim suraǵan. Osydan keiin premer-ministrdi sailaý úshin birneshe ret daýys berý kezeńi ótti.
