ۇلىبريتانييانىڭ بۇرىنعى سىرتقى ٸستەر مينيسترٸ, كونسەرۆاتورلار پارتيياسىنىڭ اتىنان دەپۋتات بوريس دجونسون ەلدٸڭ پرەمەر-مينيسترٸ بولىپ تاعايىندالدى. دجونسون بۇرىنعى پرەمەر-مينيستر تەرەزا مەيگە قىزمەتٸ ٷشٸن العىس ايتتى.
دجونسوننىڭ كانديداتۋراسىن پارتييانىڭ 90 مىڭ مٷشەسٸ قولداپ داۋىس بەرگەن. ال ەلدٸڭ قازٸرگٸ سىرتقى ٸستەر مينيسترٸ دجەرەمي حانتتى 40 مىڭ ادام قولداعان. ۇلىبريتانييادا بريتانييالىق پارتييانىڭ بارلىق مٷشەسٸ داۋىس بەرۋ قۇقىعىنا يە. سايلاۋعا پارتييانىڭ 159 320 مٷشەسٸنٸڭ 87,4% قاتىسقان.
بوريس دجونسون سەرسەنبٸگە دەيٸن جۇمىسىنا رەسمي تٷردە كٸرٸسە المايدى. تەرەزا مەي حانشايىمعا وتستاۆكا جٶنٸندە ٶتٸنٸش بٸلدٸرمەس بۇرىن پرەمەر-مينيستر رەتٸندە قاۋىمدار پالاتاسىندا سوڭعى رەت ساۋالدارعا جاۋاپ بەرەتٸن بولادى.
كەيٸن بوريس دجونسون لاۋازىمىن راستاۋ ٷشٸن بۋكينگەم سارايىنا, ارتىنان 10 نٶمٸرٸندەگٸ تانىمال قارا ەسٸكتٸڭ الدىندا سٶز سٶيلەۋ ٷشٸن داۋنينگ-ستريتكە اتتانادى.
بوريس دجونسون ەزٸرگە قىزمەتٸنە كٸرٸسكەن جوق, الايدا سايلاۋعا قاتىسۋىنىڭ ٶزٸ بريتانييالىق بيلٸكتٸڭ نەگٸزگٸ مٷشەلەرٸنٸڭ اراسىندا قارسىلىق تۋعىزدى. ولار لوندوننىڭ بۇرىنعى مەرٸمەن جۇمىس ٸستەگەننەن گٶرٸ جۇمىستان كەتۋگە نيەتتٸ ەكەندەرٸن مەلٸم ەتتٸ.
The Guardian اقپاراتىنا سەيكەس, ولار بوريس دجونسوننىڭ ۇلىبريياتانييانى ەۋروپالىق وداقتان شىعارۋ مەرزٸمٸن تاعى بٸرشاما ۋاقىتقا ۇزارتپاي, 31 قازانعا بەلگٸلەگەنٸنە الاڭداۋلى.
ەل ٷكٸمەتٸن باسقارعان تەرەزا مەي مامىردىڭ سوڭىندا وتستاۆكاعا كەتەتٸنٸن مەلٸمدەگەن. ول ۇلىبريتانييانىڭ ەۋروپا وداعىنان شىعۋ ٸسٸن سوڭىنا دەيٸن جەتكٸزە الماعانى ٷشٸن حالىقتان كەشٸرٸم سۇراعان. وسىدان كەيٸن پرەمەر-مينيستردٸ سايلاۋ ٷشٸن بٸرنەشە رەت داۋىس بەرۋ كەزەڭٸ ٶتتٸ.
