Boranqul ken ornynda órtengen jataqhanada 10 adam bolǵan, dep habarlaidy QazAqparat Beineý aýdany ákimdiginiń baspasóz qyzmetine silteme jasap.
Oqys oqiǵa saldarynan eki adam kóz jumdy. 2 adam aýrýhanaǵa tústi. Qalǵan 6 adam ózge jataqhanaǵa kóshirilgen.
Qazir ýaqytta órt sóndirildi. Tilsiz jaýdy aýyzdyqtaýǵa «QazMunaiTeńiz» JShS órtke qarsy qyzmetiniń 2 órt toby jumyldyryldy. Órttiń shyǵý sebepteri anyqtalyp jatyr.
Oqiǵa ornyna «QazMunaiTeńiz» JShS filialynyń basshylyǵy bardy. «QazMunaiGaz» UK AQ-da Basqarma tóraǵasy Alik Aidarbaevtyń jetekshiligimen operativtik shtab quryldy. Jedel shtabtyń quramyna tiisti qurylymdyq bólimshelerdiń qyzmetkerleri kirdi.
Esterińizge sala keteiik, buǵan deiin Boranqul ken ornyndaǵy jataqhanadan shyqqan órtten eki adam qaza tapqanyn habarlaǵan bolatynbyz. Oqys oqiǵa Nur-Sultan qalasy boiynsha shashamen saǵat 04.55-te Mańǵystaý oblysy «QazMunaiTeńiz» TMK» JShS-ne qarasty Boranqul ken ornyndaǵy eki qabatty jataqhanada bolǵan.
