بورانقۇل كەن ورنىندا ٶرتەنگەن جاتاقحانادا 10 ادام بولعان, دەپ حابارلايدى قازاقپارات بەينەۋ اۋدانى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
وقىس وقيعا سالدارىنان ەكٸ ادام كٶز جۇمدى. 2 ادام اۋرۋحاناعا تٷستٸ. قالعان 6 ادام ٶزگە جاتاقحاناعا كٶشٸرٸلگەن.
قازٸر ۋاقىتتا ٶرت سٶندٸرٸلدٸ. تٸلسٸز جاۋدى اۋىزدىقتاۋعا «قازمۇنايتەڭٸز» جشس ٶرتكە قارسى قىزمەتٸنٸڭ 2 ٶرت توبى جۇمىلدىرىلدى. ٶرتتٸڭ شىعۋ سەبەپتەرٸ انىقتالىپ جاتىر.
وقيعا ورنىنا «قازمۇنايتەڭٸز» جشس فيليالىنىڭ باسشىلىعى باردى. «قازمۇنايگاز» ۇك اق-دا باسقارما تٶراعاسى اليك ايدارباەۆتىڭ جەتەكشٸلٸگٸمەن وپەراتيۆتٸك شتاب قۇرىلدى. جەدەل شتابتىڭ قۇرامىنا تيٸستٸ قۇرىلىمدىق بٶلٸمشەلەردٸڭ قىزمەتكەرلەرٸ كٸردٸ.
ەستەرٸڭٸزگە سالا كەتەيٸك, بۇعان دەيٸن بورانقۇل كەن ورنىنداعى جاتاقحانادان شىققان ٶرتتەن ەكٸ ادام قازا تاپقانىن حابارلاعان بولاتىنبىز. وقىس وقيعا نۇر-سۇلتان قالاسى بويىنشا شاشامەن ساعات 04.55-تە ماڭعىستاۋ وبلىسى «قازمۇنايتەڭٸز» تمك» جشس-نە قاراستى بورانقۇل كەن ورنىنداعى ەكٸ قاباتتى جاتاقحانادا بولعان.
