Fotokollaj Azattyq Rýhy
Sottalǵan oligarh Qairat Boranbaevqa tiesili kompaniialar Bilim berý infraqurylymyn qoldaý qoryna 66 mln AQSh dollaryn aýdardy, dep habarlaidy "Ult aqparat" Qarjylyq monitoring agenttigine silteme jasap.
"Qairat Boranbaevqa qatysty júrgizilip jatqan sotqa deiingi tergep-tekserý aiasynda ol óz erkimen tergeýmen yntymaqtasý nieti týraly málimdegen.
Boranbaevqa tiesili kompaniialar shetelden qaitarylǵan qarajat esebinen Bilim berý infraqurylymyn qoldaý qoryna 66 mln AQSh dollaryn, iaǵni 30 mlrd teńgeden astam qarjy aýdardy.
Eske salaiyq, kógildir otyndy ákelý kezinde qarajat urlaý faktisi boiynsha júrgizilgen tergeý aiasynda Boranbaev 14,5 mlrd teńge kóleminde materialdyq shyǵyn ótegen bolatyn" - delingen habarlamada.
Bul qarajat qoldanystaǵy zańnamaǵa sáikes bilim berý salasyn qoldaýǵa, mektepter men basqa da oqý oryndaryn salýǵa jáne qaita jańartýǵa, sondai-aq búkil respýblika boiynsha áleýmettik salaǵa baǵyttalatyn bolady (QR Biýdjet kodeksi 52-3 bap).
