Shyǵys Qazaqstan oblysynda qar, boran, joldyń kóriný nasharlyǵyna bailanysty avtojol jabyldy. Bul týraly QR Indýstriia jáne infraqurylymdyq damý ministrliginen málim etti, dep habarlaidy QazAqparat.
Atap aitqanda, 23 qarasha kúni saǵat 13:45-ten bastap «Óskemen – Ridder - RF shekarasy» avtojolynyń 129-191 shaqyrymynda, iaǵni Ridder qalasy men RF shekarasy arasyndaǵy ýchaskede avtokóliktiń barlyq túrleri úshin qozǵalysqa tyiym salyndy.
«Tótenshe jaǵdailardy boldyrmaý maqsatynda kólik ielerine alys saparǵa shyqpaýǵa keńes beriledi.
Oqys jaǵdai oryn alsa, 1403 nómiri boiynsha táýlik boiy jumys isteitin call-ortalyqqa habarlasýǵa bolady», - delingen ministrlik málimetinde.
