Boran kúnderi «Astana Tazalyqtyń» 400-500 jumysshysy qalaǵa jete almai qaǵan. Bul týraly elorda ákimi Altai Kólginovtiń halyqqa esep berý kezdesýinde aityldy, dep habarlaidy QazAqparat.
«Astana Tazalyq» JShS-da jumys istep jatqanyma 14 jyl boldy. Biz qalaǵa 90-100 shaqyrymdyq alys aýyldardan kelemiz. Tańǵy 03:00-te oianamyn, kún batqansha jumys isteimiz. Biraq úige kelgende «Astana Tazalyq» jumys istemeidi» degen jańalyq estip otyramyz. Bizge tehnika bólip jatqandaryńyzǵa rahmet, biraq bizde jumys isteitin adam az. Biz jalaqymyzdy mańdai terimizben alyp otyrmyz. Ózim áiel basymmen er adamdarmen birge qar tazalap, qar kúrep júremin», - dedi «Astana Tazalyq» JShS jumysshysy Tatiana Nikolaevna.
Qala ákimi borandy kúnderi «Astana Tazalyqtyń» 400-500 adamy qalaǵa jete almai qalǵanyn aitty.
«Sizderge beriletin syiaqyny kóbeitemiz. Jalaqy mólsheri de biyl qańtar aiynda kóterildi. Shynymen de bul adamdardyń jumysy ońai emes. Jaqynda boran bolǵan kúnderi joldar jabylyp qalyp, jumysqa aýyldan keletin «Astana Tazalyqtyń» 400-500 jumysshysy qalaǵa jete almai qaldy. Sol kezde bizde qiyndyq týyndady, sondyqtan olardyń jumysyn baǵalaiyq», - dedi Kólginov.
