بوران كٷندەرٸ «استانا تازالىقتىڭ» 400-500 جۇمىسشىسى قالاعا جەتە الماي قاعان. بۇل تۋرالى ەلوردا ەكٸمٸ التاي كٶلگٸنوۆتٸڭ حالىققا ەسەپ بەرۋ كەزدەسۋٸندە ايتىلدى, دەپ حابارلايدى قازاقپارات.
«استانا تازالىق» جشس-دا جۇمىس ٸستەپ جاتقانىما 14 جىل بولدى. بٸز قالاعا 90-100 شاقىرىمدىق الىس اۋىلداردان كەلەمٸز. تاڭعى 03:00-تە ويانامىن, كٷن باتقانشا جۇمىس ٸستەيمٸز. بٸراق ٷيگە كەلگەندە «استانا تازالىق» جۇمىس ٸستەمەيدٸ» دەگەن جاڭالىق ەستٸپ وتىرامىز. بٸزگە تەحنيكا بٶلٸپ جاتقاندارىڭىزعا راحمەت, بٸراق بٸزدە جۇمىس ٸستەيتٸن ادام از. بٸز جالاقىمىزدى ماڭداي تەرٸمٸزبەن الىپ وتىرمىز. ٶزٸم ەيەل باسىممەن ەر ادامدارمەن بٸرگە قار تازالاپ, قار كٷرەپ جٷرەمٸن», - دەدٸ «استانا تازالىق» جشس جۇمىسشىسى تاتيانا نيكولاەۆنا.
قالا ەكٸمٸ بوراندى كٷندەرٸ «استانا تازالىقتىڭ» 400-500 ادامى قالاعا جەتە الماي قالعانىن ايتتى.
«سٸزدەرگە بەرٸلەتٸن سىياقىنى كٶبەيتەمٸز. جالاقى مٶلشەرٸ دە بيىل قاڭتار ايىندا كٶتەرٸلدٸ. شىنىمەن دە بۇل ادامداردىڭ جۇمىسى وڭاي ەمەس. جاقىندا بوران بولعان كٷندەرٸ جولدار جابىلىپ قالىپ, جۇمىسقا اۋىلدان كەلەتٸن «استانا تازالىقتىڭ» 400-500 جۇمىسشىسى قالاعا جەتە الماي قالدى. سول كەزدە بٸزدە قيىندىق تۋىندادى, سوندىقتان ولاردىڭ جۇمىسىن باعالايىق», - دەدٸ كٶلگٸنوۆ.
