Nur-Sultan men Qaraǵandydaǵy nysandarǵa "bomba qoiylǵany" týraly jalǵan aqparat shyqty. Bul týraly politsiia habarlady, - dep habarlaidy Tengrinews.kz.
"Nur-Sultan áýejaiy, My car jáne Lexus avtosalondary, sondai-aq "Han-Shatyr" jáne Mega Silk Way saýda ortalyqtarynyń elektron mekenjaiyna belgisiz bireýler jarylǵysh qurylǵylar qoiylǵany týraly qoqan-loqy jazylǵan hat joldaǵan. Bul týraly "102" arnasyna qońyraýlar tústi", - delingen elordalyq politsiia departamentiniń habarlamasynda.
Qazir bul nysandardy qalanyń tótenshe jaǵdailar qyzmeti tekserip jatyr. Adamdardy evakýatsiialaý júrgizilgen.
Bul rette Qaraǵandyda saǵat 9.00-de "102" telefonyna Muqanov kóshesindegi halyqqa qyzmet kórsetý ortalyǵynyń ǵimaratyna jarylǵysh zat qoiylǵany týraly anonim habarlama kelip túsken.
"Qaraǵandy oblysy PD jedel kezekshisi barlyq shuǵyl qyzmetterdi jiberdi. HQKO ǵimaratynan 31 adam evakýatsiialandy. Ony tekserý kezinde jarylǵysh zat tabylǵan joq", - dedi qaraǵandylyq quqyq qorǵaý organdary ókilderi.
Derekke qatysty Qylmystyq kodekstiń 273-baby boiynsha sotaldy tergeý bastaldy. Politsiia qyzmetkerleri qońyraý shalýshyny anyqtaý jumystaryn júrgizip jatyr.
Aita keteiik, buǵan deiin Almatyda jeti nysanǵa mina qoiyldy degen habar túskeni habarlanǵan bolatyn.
