نۇر-سۇلتان مەن قاراعاندىداعى نىساندارعا "بومبا قويىلعانى" تۋرالى جالعان اقپارات شىقتى. بۇل تۋرالى پوليتسييا حابارلادى, - دەپ حابارلايدى Tengrinews.kz.
"نۇر-سۇلتان ەۋەجايى, My car جەنە Lexus اۆتوسالوندارى, سونداي-اق "حان-شاتىر" جەنە Mega Silk Way ساۋدا ورتالىقتارىنىڭ ەلەكترون مەكەنجايىنا بەلگٸسٸز بٸرەۋلەر جارىلعىش قۇرىلعىلار قويىلعانى تۋرالى قوقان-لوقى جازىلعان حات جولداعان. بۇل تۋرالى "102" ارناسىنا قوڭىراۋلار تٷستٸ", - دەلٸنگەن ەلوردالىق پوليتسييا دەپارتامەنتٸنٸڭ حابارلاماسىندا.
قازٸر بۇل نىسانداردى قالانىڭ تٶتەنشە جاعدايلار قىزمەتٸ تەكسەرٸپ جاتىر. ادامداردى ەۆاكۋاتسييالاۋ جٷرگٸزٸلگەن.
بۇل رەتتە قاراعاندىدا ساعات 9.00-دە "102" تەلەفونىنا مۇقانوۆ كٶشەسٸندەگٸ حالىققا قىزمەت كٶرسەتۋ ورتالىعىنىڭ عيماراتىنا جارىلعىش زات قويىلعانى تۋرالى انونيم حابارلاما كەلٸپ تٷسكەن.
"قاراعاندى وبلىسى پد جەدەل كەزەكشٸسٸ بارلىق شۇعىل قىزمەتتەردٸ جٸبەردٸ. حقكو عيماراتىنان 31 ادام ەۆاكۋاتسييالاندى. ونى تەكسەرۋ كەزٸندە جارىلعىش زات تابىلعان جوق", - دەدٸ قاراعاندىلىق قۇقىق قورعاۋ ورگاندارى ٶكٸلدەرٸ.
دەرەككە قاتىستى قىلمىستىق كودەكستٸڭ 273-بابى بويىنشا سوتالدى تەرگەۋ باستالدى. پوليتسييا قىزمەتكەرلەرٸ قوڭىراۋ شالۋشىنى انىقتاۋ جۇمىستارىن جٷرگٸزٸپ جاتىر.
ايتا كەتەيٸك, بۇعان دەيٸن الماتىدا جەتٸ نىسانعا مينا قويىلدى دەگەن حابار تٷسكەنٸ حابارلانعان بولاتىن.
