Asa qatygezdikpen adam óltirý boiynsha kúdikke ilingen er adamnyń úiiniń edeniniń astynan myńdaǵan adam súiegi tabyldy. Meksikanyń quqyq qorǵaý organdarynyń qyzmetkerleri bir ai boiy qazba jumystaryn jalǵastyrýda. Olar sondai-aq iz-túzsiz joǵalyp ketken keibir adamdardyń jeke zattaryn da osy jerden tapty.
Kúdiktiniń úiindegi qazba jumystary 17 mamyrda bastalyp, búgingi kúnge deiin jalǵasyp jatyr, dep habarlaidy Sputnik agenttigi ABC News portalyna silteme jasap.
Politsiia basqa da adamdardyń súiekterin tabatynyn joqqa shyǵarmaidy. Buǵan kúdiktiniń úiinen anyqtalǵan, bir kezderi joǵalyp ketti degen adamdardyń qujattary men jeke zattary dálel.
Sondai-aq politseiler edendi ashyp, tekserý barysynda 3787 súiek synyǵyn tapqanyn habarlady. Kriminologtardyń zertteýleri kórsetkendei, maniak qurbandarynyń denesin usaq bólikterge bólshektep tastaǵan.
Qylmys jasady degen kúdiktiniń kim ekeni áli jariialanǵan joq. Ázirshe onyń 72 jasta ekeni, dostary ony Andres dep ataityny belgili.
Er adam politsiia komandiriniń áielin óltirgennen keiin ustaldy. Kúdikti komandirmen tanys bolǵan. Sol kúni 34 jastaǵy áieldi dúkenge aparýy kerek edi.
Kúdik áieldiń kúieýi baqylaý kamerasyn teksergennen keiin rastaldy. Videoǵa áiel kúdiktiniń úiine kirgeni túsip qalǵan. Shaqyrý boiynsha kelgen politsiia jasaǵy úige kirip, áieldiń denesin tapty.
Keiinirek, tintý kezinde tártip saqshylary áielderdiń kiimderin, qujattaryn, aýdio jáne video jazbalaryn, sondai-aq maniak qurbany boldy delingen adamdardyń júzge jýyq fotosýretin tapty.
Mamandar qazir súiek synyqtaryn zerttep, qaza tapqandardyń naqty sanyn anyqtap jatyr. Sondai-aq DNQ-testileýdi júrgizý múmkindigi belgili bolady.
