اسا قاتىگەزدٸكپەن ادام ٶلتٸرۋ بويىنشا كٷدٸككە ٸلٸنگەن ەر ادامنىڭ ٷيٸنٸڭ ەدەنٸنٸڭ استىنان مىڭداعان ادام سٷيەگٸ تابىلدى. مەكسيكانىڭ قۇقىق قورعاۋ ورگاندارىنىڭ قىزمەتكەرلەرٸ بٸر اي بويى قازبا جۇمىستارىن جالعاستىرۋدا. ولار سونداي-اق ٸز-تٷزسٸز جوعالىپ كەتكەن كەيبٸر ادامداردىڭ جەكە زاتتارىن دا وسى جەردەن تاپتى.
كٷدٸكتٸنٸڭ ٷيٸندەگٸ قازبا جۇمىستارى 17 مامىردا باستالىپ, بٷگٸنگٸ كٷنگە دەيٸن جالعاسىپ جاتىر, دەپ حابارلايدى Sputnik اگەنتتٸگٸ ABC News پورتالىنا سٸلتەمە جاساپ.
پوليتسييا باسقا دا ادامداردىڭ سٷيەكتەرٸن تاباتىنىن جوققا شىعارمايدى. بۇعان كٷدٸكتٸنٸڭ ٷيٸنەن انىقتالعان, بٸر كەزدەرٸ جوعالىپ كەتتٸ دەگەن ادامداردىڭ قۇجاتتارى مەن جەكە زاتتارى دەلەل.
سونداي-اق پوليتسەيلەر ەدەندٸ اشىپ, تەكسەرۋ بارىسىندا 3787 سٷيەك سىنىعىن تاپقانىن حابارلادى. كريمينولوگتاردىڭ زەرتتەۋلەرٸ كٶرسەتكەندەي, مانياك قۇرباندارىنىڭ دەنەسٸن ۇساق بٶلٸكتەرگە بٶلشەكتەپ تاستاعان.
قىلمىس جاسادى دەگەن كٷدٸكتٸنٸڭ كٸم ەكەنٸ ەلٸ جارييالانعان جوق. ەزٸرشە ونىڭ 72 جاستا ەكەنٸ, دوستارى ونى اندرەس دەپ اتايتىنى بەلگٸلٸ.
ەر ادام پوليتسييا كومانديرٸنٸڭ ەيەلٸن ٶلتٸرگەننەن كەيٸن ۇستالدى. كٷدٸكتٸ كومانديرمەن تانىس بولعان. سول كٷنٸ 34 جاستاعى ەيەلدٸ دٷكەنگە اپارۋى كەرەك ەدٸ.
كٷدٸك ەيەلدٸڭ كٷيەۋٸ باقىلاۋ كامەراسىن تەكسەرگەننەن كەيٸن راستالدى. ۆيدەوعا ەيەل كٷدٸكتٸنٸڭ ٷيٸنە كٸرگەنٸ تٷسٸپ قالعان. شاقىرۋ بويىنشا كەلگەن پوليتسييا جاساعى ٷيگە كٸرٸپ, ەيەلدٸڭ دەنەسٸن تاپتى.
كەيٸنٸرەك, تٸنتۋ كەزٸندە تەرتٸپ ساقشىلارى ەيەلدەردٸڭ كيٸمدەرٸن, قۇجاتتارىن, اۋديو جەنە ۆيدەو جازبالارىن, سونداي-اق مانياك قۇربانى بولدى دەلٸنگەن ادامداردىڭ جٷزگە جۋىق فوتوسۋرەتٸن تاپتى.
ماماندار قازٸر سٷيەك سىنىقتارىن زەرتتەپ, قازا تاپقانداردىڭ ناقتى سانىن انىقتاپ جاتىر. سونداي-اق دنق-تەستٸلەۋدٸ جٷرگٸزۋ مٷمكٸندٸگٸ بەلگٸلٸ بولادى.
