Memlekettik biýdjettiń shyǵystary 91 paiyzǵa atqaryldy. Bul týraly Úkimet otyrysynda QR Qarjy ministri Erulan Jamaýbaev biylǵy qańtardaǵy memlekettik biýdjettiń atqarylý kórsetkishterin baiandaý kezinde málim etti, dep habarlaidy «Ult aqparat».
«Memlekettik biýdjettiń shyǵystary 91 paiyzǵa, respýblikalyq biýdjettiń shyǵystary – 94,4 paiyzǵa, jergilikti biýdjetterdiń shyǵystary 80,6 paiyzǵa atqaryldy», - dedi ministr.
Onyń aitýynsha, respýblikalyq biýdjet boiynsha 1 trln 212 mlrd teńgege somasyna shyǵystar júrgizildi. Oryndalmaý 72 mlrd teńgeni qurady, onyń ishinde únemdeý - 7 mlrd teńge. Igerilmeý somasy - 65 mlrd teńge.
Igerilmeýdiń neǵurlym iri somalary kelesi ortalyq memlekettik organdarda qalyptasty: Qarjy, Tsifrlyq damý, innovatsiialar jáne aeroǵarysh ónerkásibi, Tótenshe jaǵdailar, Bilim jáne ǵylym, sondai-aq Mádeniet jáne sport ministrlikteri.
Igerilmeýdiń negizgi sebepteri: tólem jónindegi qujattardy uzaq kelisý, oryndalǵan jumystar aktilerin ýaqtyly usynbaý, naqty kórsetilgen qyzmetter kólemi, sharttar men qosymsha kelisimderdi qazynashylyq organdaryna tirkeýge kesh usyný.
«Jergilikti biýdjetterdiń shyǵystary 203 mlrd teńgeni qurady. Atqarylmaǵany - 49 mlrd teńge. Biyl óńirlerge 1,9 trln teńge somasynda nysanaly transfertter kózdelgen. Olarǵa 1 aqpandaǵy jaǵdai boiynsha 32 mlrd teńge bólingen. Olardyń 79,3 paiyzy igerilgen. Atqarylmaǵany – 6 mlrd teńge, onyń ishinde 2 mlrd teńge – únemdeý, 4 mlrd teńge igerilmedi. Neǵurlym kóp igerilmeý kelesi óńirlerde: Batys Qazaqstan, Jambyl oblystarynda, Nur-Sultan qalasynda, Aqmola jáne Atyraý oblystarynda qalyptasty», - dedi Jamaýbaev.
