Bolgariianyń Sveti Vlas qalasyndaǵy tanymal tulǵalar alleiasynda Abai barelefi ashyldy, dep habarlaidy "Ult aqparat" Syrtqy ister ministrligine silteme jasap. Shara Qazaqstannyń Bolgariiadaǵy Elshiliginiń bastamasymen, sondai-aq «Pamiat Bolgarii - bratev Dinevi» atty qorynyń qoldaýymen júzege asyryldy.
Is-sharaǵa Qazaqstannyń Bolgariiadaǵy Elshisi Temirtai Izbastin, Bolgariianyń buryńǵy Syrtqy ister ministri jáne jergilikti atlantikalyq klýbynyń jetekshisi Solomon Passi, Sveti Vlas qalasy ákimshiliginiń (Meriia) ókili, «Pamiat Bolgarii - bratev Dinevi» atty qorynyń basshylary Dinko jáne Iordan Dinevtar, Bolgar telegraf agenttiginiń tóraǵasy Maksim Minchev, Bolgariia SIM janyndaǵy mádeni ortalyǵynyń basshysy Snejana Ioveva, tarihshy jáne etnograf Stoian Raichevskii jáne otandastarymyz qatysty.
Is-sharany ashý barysynda Elshi Abaidyń 175 jyldyq mereitoiy tek Qazaqstanda emes, álemniń kóptegen elderinde toilanyp jatqanyn jáne Abai qazaq ulty jańa ádebietiniń negizin qalaýshysy, orys kórnekti aqyndary A.Pýshkinniń, M.Lermontovtyń, I.Krylovtyń shyǵarmalaryn aýdarýshy jáne kompozitor retinde el tarihynda óshpes iz qaldyrǵandyǵyn, sondai-aq bareleftiń ashylýy eki el arasyndaǵy mádenietaralyq yntymaqtastyqtyń odan ári damýyna septigin tigizetinin atap ótti.
Bolgariianyń tarihshysy jáne etnografy S.Raichevskii Abai Qunanbaiuly tek Orta Aziiadan emes, jalpy álemde belgili, ámbebap tulǵa dep atap ótti. Sonymen qatar, Abai barelefi Vasil Levski, Hristo Botev, admiraldar Fedor Ýshakov jáne Goratsio Nelson, Gans Hristian Andersen, Djýzeppe Garibaldi, Djaniýariýs Magkahan, Shandor Petefi, frantsýz marshaly Filipp de Klerk, Fridrih Shiler siiaqty basqa elderdiń tanymal tulǵalardyń barelefteri arasynda óziniń laiyqty ornyn tapqanyna toqtalyp ótti.
Iordan Dinev Bolgariiada Abaidyń barelefin ornatýǵa bailanysty rizashylyǵyn bildirip, Abai barelefinde jazylǵan 37 qara sóz – «Adam balasyn zaman ósiredi, kimde-kim jaman bolsa, onyń zamandasynyń bári kináli» – búgingi kúnge deiin ózekti ekendigin jetkizdi.
