22 sáýirde Almatyda Bolai taýy otqa oranǵan bolatyn. Órt temeki tuqylynan shyqqan bolýy múmkin. Bul týraly qalalyq TJD basshysy Serik Áýbákirov brifing barysynda aitty, dep habarlaidy "Ult aqparat".
Eske salaiyq, Medeý aýdanynda Bolai taýy (Mohnatka) órtenip, tilsiz jaý 1 gektar aýmaqty sharpyǵan.
«Qazir karantin ýaqyty. Adamdardyń kóbi úiinde jatyr. Taýǵa shyǵyp demalatyndardyń sany azaiǵan. Desekte, taý joldarymen júretin adamdar bar. Keshe Bolai taýyndaǵy órtti sóndirgenen keiin, mamandar onyń qaidan tutanǵanyn anyqtaýǵa kiristi. Aldyn ala boljam boiynsha órt temeki tuqylanan shyǵýy múmkin»,- deidi Serik Áýbákirov.
Onyń aitýynsha, kinálini anyqtaý óte qiyn. Óitkeni bul jolmen qansha adam júrgeni belgisiz.
Sonymen qatar, Tótenshe jaǵdailar departamentiniń bastyǵy qurǵaq shópti órtegenderdi qatań jazalaý kerektigin aitty.
«Búgingi tańda 100 ailyq eseptik kórsetkishke deiin (200 myń teńgeden joǵary) aiyppul salý jaýapkershiligi qarastyrylǵan. Biraq men bul adamdar órtti sóndirýge ketken shyǵyndy óteýi kerek dep sanaimyn, bul resýrstyq jumys. Tehnikalyq resýrstar jumsalady, órt úlken aýmaqqa taralady, keide biz tipti tikushaqtardy áýege kóteremiz. Ókinishke orai, biz bul mehanizmdi jalǵan qońyraý shalǵandarǵa ǵana qoldanamyz», – dedi departament basshysy.
