22 سەۋٸردە الماتىدا بولاي تاۋى وتقا ورانعان بولاتىن. ٶرت تەمەكٸ تۇقىلىنان شىققان بولۋى مٷمكٸن. بۇل تۋرالى قالالىق تجد باسشىسى سەرٸك ەۋبەكٸروۆ بريفينگ بارىسىندا ايتتى, دەپ حابارلايدى "ۇلت اقپارات".
ەسكە سالايىق, مەدەۋ اۋدانىندا بولاي تاۋى (موحناتكا) ٶرتەنٸپ, تٸلسٸز جاۋ 1 گەكتار اۋماقتى شارپىعان.
«قازٸر كارانتين ۋاقىتى. ادامداردىڭ كٶبٸ ٷيٸندە جاتىر. تاۋعا شىعىپ دەمالاتىنداردىڭ سانى ازايعان. دەسەكتە, تاۋ جولدارىمەن جٷرەتٸن ادامدار بار. كەشە بولاي تاۋىنداعى ٶرتتٸ سٶندٸرگەنەن كەيٸن, ماماندار ونىڭ قايدان تۇتانعانىن انىقتاۋعا كٸرٸستٸ. الدىن الا بولجام بويىنشا ٶرت تەمەكٸ تۇقىلانان شىعۋى مٷمكٸن»,- دەيدٸ سەرٸك ەۋبەكٸروۆ.
ونىڭ ايتۋىنشا, كٸنەلٸنٸ انىقتاۋ ٶتە قيىن. ٶيتكەنٸ بۇل جولمەن قانشا ادام جٷرگەنٸ بەلگٸسٸز.
سونىمەن قاتار, تٶتەنشە جاعدايلار دەپارتامەنتٸنٸڭ باستىعى قۇرعاق شٶپتٸ ٶرتەگەندەردٸ قاتاڭ جازالاۋ كەرەكتٸگٸن ايتتى.
«بٷگٸنگٸ تاڭدا 100 ايلىق ەسەپتٸك كٶرسەتكٸشكە دەيٸن (200 مىڭ تەڭگەدەن جوعارى) ايىپپۇل سالۋ جاۋاپكەرشٸلٸگٸ قاراستىرىلعان. بٸراق مەن بۇل ادامدار ٶرتتٸ سٶندٸرۋگە كەتكەن شىعىندى ٶتەۋٸ كەرەك دەپ سانايمىن, بۇل رەسۋرستىق جۇمىس. تەحنيكالىق رەسۋرستار جۇمسالادى, ٶرت ٷلكەن اۋماققا تارالادى, كەيدە بٸز تٸپتٸ تٸكۇشاقتاردى ەۋەگە كٶتەرەمٸز. ٶكٸنٸشكە وراي, بٸز بۇل مەحانيزمدٸ جالعان قوڭىراۋ شالعاندارعا عانا قولدانامىز», – دەدٸ دەپارتامەنت باسشىسى.
