Bolat Tókejanov meditsinalyq saqtandyrý qorynyń basqarma tóraǵasy qyzmetinen bosatyldy. Bul týraly qordyń eks-basshysy Facebook-tegi paraqshasynda málimdedi, - dep habarlaidy Tengrinews.kz tilshisi.
"Qiyn-qystaý kezeńde qor aldynda odan da qatal syn-qaterler, odan da mańyzdy mindetter tur. Sapaǵa degen suranys jaǵdaiǵa qaramastan ósedi. Biraq meditsinalyq saqtandyrý qorynyń irgetasy qalandy, ári qarai jumys isteý ǵana qaldy.
Osy jumysqa kómekteskenderge alǵys aitamyn. Bul qatarda basqa memlekettik organdardyń qyzmetkerleri, meditsina qyzmetkerleri, densaýlyq saqtaý menedjerleri, sala sarapshylary jáne meditsinalyq saqtandyrý júiesiniń qyzmetkerli bar. Olar yntymaqtastyq qaǵidattaryn qoldaidy ári qor bolashaǵyna senedi", - dep jazdy ol.
Tókejanov qordy 2020 jyldyń shildesinen bastap basqardy.
Bolat Tókejanov 1972 jyly 19 shildede Shyǵys Qazaqstan oblysynda dúniege kelgen. 1994 jyly Qazaq memlekettik basqarý akademiiasyn "ekonomist" mamandyǵy boiynsha bitirgen. 2010 jyly Qazaqstan Respýblikasy Prezidenti janyndaǵy Memlekettik basqarý akademiiasynyń Ulttyq memlekettik saiasat mektebinde memlekettik jáne jergilikti basqarý magistri dárejesin aldy.
AQSh, Soltústik Karolina, Diýk ýniversitetiniń Sendford memlekettik saiasat mektebinde, sondai-aq, Singapýr ulttyq ýniversitetiniń Li Kýan Iu atyndaǵy memlekettik saiasat mektebinde oqyǵan.
Qazaqstannyń salyq qyzmeti júiesinde jumys istedi, Shyǵys Qazaqstan oblysynyń Densaýlyq saqtaý uiymdaryn basqardy.
Ár jyldary Densaýlyq saqtaý ministrliginde basshylyq qyzmetter atqardy. Vitse-ministr, Densaýlyq saqtaý ministrliginiń jaýapty hatshysy bolyp jumys istedi.
