QR Básekelestikti qorǵaý jáne damytý agenttigi tóraǵasynyń orynbasary Bolat Sámbetov ortalyq kommýnikatsiialar qyzmetinde ótken brifingide kómir baǵasynyń qubylýyna qatysty pikir bildirdi, dep habarlaidy QazAqparat.
«Kommýnaldyq-turmystyq maqsattaǵy kómirdiń 10 paiyzy birja arqyly satylýy kerek. Birja komitetiniń jazylǵan erejesi bar. Ol boiynsha atalǵan Bul birjaǵa tek temirjol tuiyqtary bar paiyz kómirdiń birjasyna kompaniialar temirjol tuiyǵy bar kompaniialar ǵana qatysa alady. Iaǵni, temirjol tuiyǵy barlar tikelei halyqqa kómir sata alady. Osy isti baqylaý úshin ákimdikterdi tarttyq. Ákimdikter ózderindegi jumys istep turǵan temirjol tuiyqtarynyń tizimin berdi. Osy arqyly alyp satqysh deldaldardyń áserin azaitý kózdelgen», - degen agenttik ókili jyldyń ortasynda osy birjadaǵy saýda iske qosylǵanyn eske saldy.
«Respýblika boiynsha 200 temirjol tuiyǵy qatysyp, akkreditteldi. Biyl josparlanǵan 500 myń tonanyń 200 myńy satyldy. Bizdiń mamandar osy saýdaǵa qatysqa árbir temirjol tuiyǵyna baryp, baǵa týraly josparlaryn bilip qaitty. Onyń ieleri tikelei óndirýshiden alsa, áldeqaida arzan ekenine kóz jetkizip otyr. Biyl osy 10 paiyz kómir boiynsha qymbatshylyq bolmaidy degen boljam bar. Jyl aiaǵynda kelesi jyldyń birjadaǵy saýdasy bastalady. Bul taǵy 500 myń tonna degen sóz. Bul elge qajetti kómirdiń 10 paiyzy ǵana. Qalǵan 90 paiyz kómir kómir aiyryqtarynyń qalaýy boiynsha satylyp jatyr, Nemese ózara birja arqyly nemese kelisimshart boiynsha satylady», - deidi Bolat Sámbetov.
Onyń sózine qaraǵanda, birja arqyly satylǵan kómirdiń óńirlerge burmalaýsyz baǵyttalýyn Básekelestikti qorǵaý jáne damytý agenttigi qadaǵalamaq.
«Temirjol tuiyǵy dep otyrǵanymyz, jalpaq tilmen aitqanda, qoima deýge bolady. Qazir óalyqtyń sol qoimalardan kómirdi tikelei satyp alýyna bolady. Básekelestikti qorǵaý jáne damytý agenttigi birja arqyly satylǵan kómirdiń óńirlerge baǵyttalýyn qadaǵalaidy. Ákimdiktermen jumys istep jatyrmyz. Olarǵa jergilikti oryndarda baǵanyń bassyz ósýine jol bermeý kerektigi aitylǵan. Temirjol tuiyǵyna kelgen kómirdi onyń iesi halyqqa aqylǵa qonymdy baǵamen satý kerek. Bul jerde baǵaǵa qosylatyn ústeme óreskel bolmaýǵa tiis. Bizdiń jergilikti departament ókilderi ár óńirdegi temirjol tuiyqtarynda bolyp qaitty. Birja arqyly satylǵan paiyz kómirdiń qymbattaýyn kútip otyrǵan joqpyz», - dedi agenttik tóraǵasynyń orynbasary.
