قر بەسەكەلەستٸكتٸ قورعاۋ جەنە دامىتۋ اگەنتتٸگٸ تٶراعاسىنىڭ ورىنباسارى بولات سەمبەتوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە كٶمٸر باعاسىنىڭ قۇبىلۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«كوممۋنالدىق-تۇرمىستىق ماقساتتاعى كٶمٸردٸڭ 10 پايىزى بيرجا ارقىلى ساتىلۋى كەرەك. بيرجا كوميتەتٸنٸڭ جازىلعان ەرەجەسٸ بار. ول بويىنشا اتالعان بۇل بيرجاعا تەك تەمٸرجول تۇيىقتارى بار پايىز كٶمٸردٸڭ بيرجاسىنا كومپانييالار تەمٸرجول تۇيىعى بار كومپانييالار عانا قاتىسا الادى. ياعني, تەمٸرجول تۇيىعى بارلار تٸكەلەي حالىققا كٶمٸر ساتا الادى. وسى ٸستٸ باقىلاۋ ٷشٸن ەكٸمدٸكتەردٸ تارتتىق. ەكٸمدٸكتەر ٶزدەرٸندەگٸ جۇمىس ٸستەپ تۇرعان تەمٸرجول تۇيىقتارىنىڭ تٸزٸمٸن بەردٸ. وسى ارقىلى الىپ ساتقىش دەلدالداردىڭ ەسەرٸن ازايتۋ كٶزدەلگەن», - دەگەن اگەنتتٸك ٶكٸلٸ جىلدىڭ ورتاسىندا وسى بيرجاداعى ساۋدا ٸسكە قوسىلعانىن ەسكە سالدى.
«رەسپۋبليكا بويىنشا 200 تەمٸرجول تۇيىعى قاتىسىپ, اككرەديتتەلدٸ. بيىل جوسپارلانعان 500 مىڭ تونانىڭ 200 مىڭى ساتىلدى. بٸزدٸڭ ماماندار وسى ساۋداعا قاتىسقا ەربٸر تەمٸرجول تۇيىعىنا بارىپ, باعا تۋرالى جوسپارلارىن بٸلٸپ قايتتى. ونىڭ يەلەرٸ تٸكەلەي ٶندٸرۋشٸدەن السا, ەلدەقايدا ارزان ەكەنٸنە كٶز جەتكٸزٸپ وتىر. بيىل وسى 10 پايىز كٶمٸر بويىنشا قىمباتشىلىق بولمايدى دەگەن بولجام بار. جىل اياعىندا كەلەسٸ جىلدىڭ بيرجاداعى ساۋداسى باستالادى. بۇل تاعى 500 مىڭ توننا دەگەن سٶز. بۇل ەلگە قاجەتتٸ كٶمٸردٸڭ 10 پايىزى عانا. قالعان 90 پايىز كٶمٸر كٶمٸر ايىرىقتارىنىڭ قالاۋى بويىنشا ساتىلىپ جاتىر, نەمەسە ٶزارا بيرجا ارقىلى نەمەسە كەلٸسٸمشارت بويىنشا ساتىلادى», - دەيدٸ بولات سەمبەتوۆ.
ونىڭ سٶزٸنە قاراعاندا, بيرجا ارقىلى ساتىلعان كٶمٸردٸڭ ٶڭٸرلەرگە بۇرمالاۋسىز باعىتتالۋىن بەسەكەلەستٸكتٸ قورعاۋ جەنە دامىتۋ اگەنتتٸگٸ قاداعالاماق.
«تەمٸرجول تۇيىعى دەپ وتىرعانىمىز, جالپاق تٸلمەن ايتقاندا, قويما دەۋگە بولادى. قازٸر ٶالىقتىڭ سول قويمالاردان كٶمٸردٸ تٸكەلەي ساتىپ الۋىنا بولادى. بەسەكەلەستٸكتٸ قورعاۋ جەنە دامىتۋ اگەنتتٸگٸ بيرجا ارقىلى ساتىلعان كٶمٸردٸڭ ٶڭٸرلەرگە باعىتتالۋىن قاداعالايدى. ەكٸمدٸكتەرمەن جۇمىس ٸستەپ جاتىرمىز. ولارعا جەرگٸلٸكتٸ ورىنداردا باعانىڭ باسسىز ٶسۋٸنە جول بەرمەۋ كەرەكتٸگٸ ايتىلعان. تەمٸرجول تۇيىعىنا كەلگەن كٶمٸردٸ ونىڭ يەسٸ حالىققا اقىلعا قونىمدى باعامەن ساتۋ كەرەك. بۇل جەردە باعاعا قوسىلاتىن ٷستەمە ٶرەسكەل بولماۋعا تيٸس. بٸزدٸڭ جەرگٸلٸكتٸ دەپارتامەنت ٶكٸلدەرٸ ەر ٶڭٸردەگٸ تەمٸرجول تۇيىقتارىندا بولىپ قايتتى. بيرجا ارقىلى ساتىلعان پايىز كٶمٸردٸڭ قىمباتتاۋىن كٷتٸپ وتىرعان جوقپىز», - دەدٸ اگەنتتٸك تٶراعاسىنىڭ ورىنباسارى.
