© Photo: "Saliqaly urpaq" Qoǵamdyq qorynyń saity
Qarasai aýdandyq soty birneshe jer ýchaskesine qatysty úkim shyǵardy. Prokýror jerdiń zańsyz berilgenin málimdedi, dep habarlaidy Sputnik Qazaqstan.
Buǵan deiin aýdan prokýrory sotqa aryz túsirgen. Qadaǵalaýshy organnyń málimetine sáikes, 2004-2019 jyldary memlekettik mekemeler men N.-nyń arasynda jer ýchaskelerin satyp alý boiynsha tiptik kelisimder jasalǵan. Biraq ýchaskelerdiń bári aýyl sharýashylyǵy jerlerine jatady. Onyń barlyǵy basqa maqsatta paidalanylǵan.
Sot otyrysy kezinde jaýap berýshi taraptyń ókili prokýrordyń talabyn qanaǵattandyrmaýdy surady. Sebebi aryzda tártip buzýshylyqtyń mán-jaiy kórsetilmegen. Al memlekettik organdardyń ókilderi sońǵy sheshimdi sottyń ózi shyǵarsyn dedi.
"N.-ǵa aýyl sharýashylyǵy jerlerine jatatyn ýchaskelerdi berý kezinde maqsatyn ózgertý úshin jer resýrstaryn basqarý boiynsha oblystyq basqarma men ortalyq memlekettik organdardyń aldyn ala mindetti kelisimi alynbaǵan. Osylaisha jer ýchaskelerin berý tártibi buzyldy", - delingen sot habarlamasynda.
Azamattyq isti qaraý barysynda jerdi satyp alý boiynsha tiptik kelisimsharttardyń kúshin joiýǵa negiz bolatyn mán-jailar anyqtaldy.
Aita keteri, buqaralyq aqparat quraldarynda jariialanǵan málimetke sáikes, Qarasai aýdandyq sotynda qaralǵan jer ýchaskeleri Qazaqstannyń eks-prezidentiniń inisi Bolat Nazarbaevqa tiesili. Jalpy aýdany 37 gektardy quraidy. Ol jerde "Barys" avtobazary ornalasqan.
Sot sheshimi zańdy kúshine engen joq.
