© Photo: "ساليقالى ۇرپاق" قوعامدىق قورىنىڭ سايتى
قاراساي اۋداندىق سوتى بٸرنەشە جەر ۋچاسكەسٸنە قاتىستى ٷكٸم شىعاردى. پروكۋرور جەردٸڭ زاڭسىز بەرٸلگەنٸن مەلٸمدەدٸ, دەپ حابارلايدى Sputnik قازاقستان.
بۇعان دەيٸن اۋدان پروكۋرورى سوتقا ارىز تٷسٸرگەن. قاداعالاۋشى ورگاننىڭ مەلٸمەتٸنە سەيكەس, 2004-2019 جىلدارى مەملەكەتتٸك مەكەمەلەر مەن ن.-نىڭ اراسىندا جەر ۋچاسكەلەرٸن ساتىپ الۋ بويىنشا تيپتٸك كەلٸسٸمدەر جاسالعان. بٸراق ۋچاسكەلەردٸڭ بەرٸ اۋىل شارۋاشىلىعى جەرلەرٸنە جاتادى. ونىڭ بارلىعى باسقا ماقساتتا پايدالانىلعان.
سوت وتىرىسى كەزٸندە جاۋاپ بەرۋشٸ تاراپتىڭ ٶكٸلٸ پروكۋروردىڭ تالابىن قاناعاتتاندىرماۋدى سۇرادى. سەبەبٸ ارىزدا تەرتٸپ بۇزۋشىلىقتىڭ مەن-جايى كٶرسەتٸلمەگەن. ال مەملەكەتتٸك ورگانداردىڭ ٶكٸلدەرٸ سوڭعى شەشٸمدٸ سوتتىڭ ٶزٸ شىعارسىن دەدٸ.
"ن.-عا اۋىل شارۋاشىلىعى جەرلەرٸنە جاتاتىن ۋچاسكەلەردٸ بەرۋ كەزٸندە ماقساتىن ٶزگەرتۋ ٷشٸن جەر رەسۋرستارىن باسقارۋ بويىنشا وبلىستىق باسقارما مەن ورتالىق مەملەكەتتٸك ورگانداردىڭ الدىن الا مٸندەتتٸ كەلٸسٸمٸ الىنباعان. وسىلايشا جەر ۋچاسكەلەرٸن بەرۋ تەرتٸبٸ بۇزىلدى", - دەلٸنگەن سوت حابارلاماسىندا.
ازاماتتىق ٸستٸ قاراۋ بارىسىندا جەردٸ ساتىپ الۋ بويىنشا تيپتٸك كەلٸسٸمشارتتاردىڭ كٷشٸن جويۋعا نەگٸز بولاتىن مەن-جايلار انىقتالدى.
ايتا كەتەرٸ, بۇقارالىق اقپارات قۇرالدارىندا جارييالانعان مەلٸمەتكە سەيكەس, قاراساي اۋداندىق سوتىندا قارالعان جەر ۋچاسكەلەرٸ قازاقستاننىڭ ەكس-پرەزيدەنتٸنٸڭ ٸنٸسٸ بولات نازارباەۆقا تيەسٸلٸ. جالپى اۋدانى 37 گەكتاردى قۇرايدى. ول جەردە "بارىس" اۆتوبازارى ورنالاسقان.
سوت شەشٸمٸ زاڭدى كٷشٸنە ەنگەن جوق.
