© Photo: "Saliqaly urpaq" QQ saity, saliqaly.kz
Azamattyq ister jónindegi apelliatsiialyq sot alqasy Bolat Nazarbaevtyń apelliatsiialyq shaǵymy boiynsha azamattyq isti qarady, dep habarlady Almaty oblysynyń soty.
Baspasóz qyzmeti málimetinshe, azamattyq ister jónindegi apelliatsiialyq alqa birinshi satydaǵy sot sheshimin ózgerissiz qaldyrǵan.
"Sot aýyl sharýashylyǵy maqsatyndaǵy jerlerdi bólý kezinde oblystyq organnyń jáne jer resýrstaryn basqarý jónindegi ortalyq ýákiletti organdardyń kelisimi bolmaǵanyn anyqtady. Azamattyq ister jónindegi apelliatsiialyq alqa birinshi satydaǵy sottyń sheshimin onyń zańdylyǵy men negizdiligine bailanysty ózgertýsiz qaldyrdy", - deidi oblystyq sot.
Aita keteiik, Qarasai aýdanynyń prokýratýrasy birinshi satydaǵy sotqa Bolat Nazarbaevtyń jer ýchaskelerin satyp alý-satý sharttaryn jaramsyz dep taný týraly jáne jer ýchaskelerine menshik quqyǵyn memlekettik tirkeýdi joiý týraly talap aryzben júgingen bolatyn. Qarasai aýdandyq soty prokýratýranyń talabyn qanaǵattandyrdy. Alaida Bolat Nazarbaev sot sheshimimen kelispei, apelliatsiialyq shaǵym jazdy.
Eske salaiyq, Qarasai aýdanynda ornalasqan aýmaǵy 37 gektar bolatyn jer telimine Bolat Nazarbaev ielik etetin. Ol jerde qazirgi kúni "Barys" bazary ornalasqan.
