Kollaj: azattyq-ruhy.kz
Májilis depýtaty Erlan Saiyrov Tuńǵysh Prezident Nursultan Nazarbaevtyń inisi Bolat Nazarbaevtyń menshiginde qansha jer ýchaskesi baryn aitty, dep habarlaidy "Ult aqparat".
Ol "yǵailar men syǵailardyń" jemqorlyq, protektsiia isterinen sabaq alýǵa shaqyrdy.
"Bolat Nazarbaev degen azamat 5 jyl merzimde Qaskeleń, Talǵar, Túrkistan oblysy, Nur-Sultan qalalarynda kottedj qalashyǵy, ákimshilik ǵimarat pen bazar salý úshin 244 gektar bolatyn 59 jer telimin alǵan degen aqparat bar. Sol kisiniń familiiasyna berilgen qaǵazdar meniń qolymda", - dep málimdedi Saiyrov áleýmettik jelidegi paraqshasynda.
Onyń aitýynsha, jer telimderiniń naryqtyq baǵasy júzdegen million dollar turady.
"Al Tsifrlyq damý ministrliginiń deregine súiensek, 2 millionnan asa azamat 10 sotyq jer ala almai telmirip júr. Bul netken áleýmettik ádilettilik? Konstitýtsiiadaǵy teńdik printsipteri qaida?
Osyndai áleýmettik disproportsiia halyqtyń yzasyn týǵyzatyny sózsiz. Biz túsinýimiz kerek, mundai buraýdyń mindetti túrde suraýy bolady.
Keńes apparatyna osy máselemen tereń ainalysýdy tapsyramyn. "Jer amanaty" komissiiasymen birigip, bul máseleni túbine deiin jetkizińizder", - dedi Amanat partiiasynyń Májilistegi fraktsiiasy jetekshisiniń orynbasary.
