Pavlodar oblysynyń ákimi Bolat Baqaýov qala ákimi Ánýar Kúmpekeevke qatań sógis jariialady, dep habarlaidy pavlodarnews.kz.
Bul týraly aimaq basshysy Bolat Baqaýov oblystyq ákimdikte ótken apparat keńesinde aitty. -
Ánýar Kúmpekeev qymbat páter satyp alýǵa bailanysty biýdjet qarajatyn tiimsiz jáne ysyrap etkeni úshin sógis aldy, - dedi oblys ákimi. - Soǵan qaramastan, taǵy da qatelikke jol berip, alty million teńgege eben jihazyn satyp aldy. Prezidenttiń biýdjetten artyq shyǵyndardy jumsaýǵa tyiym salý týraly tapsyrmasyn elemedi. 11 maýsymda oǵan qatań sógis jariialandy.
Oblys ákimi apparat basshysyna qala ákiminiń mindetterin oryndaý úshin Ermurat Nurhanovtyń atyna ókim jobasyn daiyndaýdy tapsyrdy.
- Ánýar Kúmpekeev saiasi memlekettik qyzmetshi retinde senimimdi tolyǵymen aqtamady. Tiisti qujattar Prezident Ákimshiligine jiberiletin bolady, - dedi Bolat Baqaýov.
