QR Energetika ministri Bolat Aqsholaqov ortalyq kommýnikatsiialar qyzmetinde ótken brifingide Atom elektr stanasyn salý jobasy týraly pikir bildirdi, dep habarlaidy QazAqparat.
«Jýyqta reseilik «Rosatom» memlekettik korporatsiiasynyń bas direktory Aleksei Lihachev qańtar oqiǵalary óz kompaniiasynyń Qazaqstanmen atom elektr stansasyn salý jónindegi áriptestigine áser etpeitinin málimdedi. Bul joba qazir qandai satyda ekenin, AES qurylysy boiynsha sońǵy kelisimder týraly aityńyzshy», - dep surady BAQ ókili Energetika ministrinen.
«Shyn máninde bul oqiǵalardyń arasynda eshqandai bailanystyń bolýy da múmkin emes. Ekeýi eki túrli másele negizi. Atom stansasyn salý óte názik másele. Sondyqtan «salamyz ba , álde salmaimyz ba» degen suraq boiynsha ázirge eshqandai sheshim joq», - dep túsindirdi Bolat Aqsholaqov.
Onyń sózinshe, Qazaqstannyń 2035 jylǵa deiingi energetikalyq balans boljamynda qýat kóziniń túrli balama joldaryna basymdyq berý qarastyrylyp
«Kún tártibine «jasyl» saiasat shyqqanyna bailanysty kómir energiiasynyń generatsiiasyn keńeite almaimyz. Óitkeni ekologiialyq turǵyda taza kóz dep aitýǵa kelmeidi. Al gaz áldeqaida taza otyn bolǵanymen, ol da sarqylady. Onyń ústine gaz salasyn damytý boiynsha basqa da mindetterimiz bar. Gaz janarmai ǵana emes, kóptegen óndirister úshin óte jaqsy shikizat bola alady. Onyń ústine qarapaiym turǵyndarǵa kerek. Sonyń bárin eskersek, atom stansasy osyndai kóp joldyń biri ǵana», - dedi vedomstvo basshysy.
Sondai-aq, ol AES salý jobasy halyqtyń pikirin eskere otyryp qana qabyldanýy múmkin ekenin basa aitty.
«Bul da qarastyrylýy múmkin. Biraq taǵy da aitaiyn, bul óte názik másele jáne tyńǵylyqty zerdeleýdi qajet etedi. Ol zertteýge birinshi kezekte qoǵamdy tartý kerek. Ázirge Qazaqstannyń qandai da bir ýchaskesinde stantsiia salý jóninde aiqyn sheshim joq», - dedi ministr.
