Foto: primeminister.kz
Ǵylym jáne joǵary bilim ministri Saiasat Nurbek "Bolashaq" halyqaralyq baǵdarlamalar ortalyǵyndaǵy daýǵa qatysty pikir bildirdi, - dep habarlaidy «Ult aqparat».
Senat otyrysynan keiin BAQ ókilderiniń suraǵyna bergen jaýabynda ministr alamysh máseleni jeke baqylaýyna alǵanyn aitty.
Saiasat Nurbek Senat otyrysynda 2022 jylǵy tekseris kezinde múliktiń kepilden zańsyz bosatylý deregi rastalǵanyn aitty. Qazir tergeý amaldary júrgizilip jatyr. Sonymen qatar, sheneýniktiń aitýynsha, qazir burynǵy "Bolashaq" stipendiaty.
"2-3 kún buryn ("Bolashaq" baǵdarlamasynyń túlegi) Valeriia Gavrilienko tolyq óz kinásin moiyndap, eki jaqty kelisimshartqa qol qoidy. Sol kelissimsharttyń arqasynda ol búkil aqshany qaitaramyn dep ózine mindet aldy. Endi ("Halyqaralyq baǵdarlamalar ortalyǵy" AQ-daǵy) jaýapty tulǵalardy tiisti zańnama aiasynda Bas prokýratýra arqyly (jaýapqa tartý) máselesin bastap kettik", - dedi Saiasat Nurbek Senattyń jalpy otyrysynan soń", - dedi ministr.
Sonymen qatar, Nurbek "Bolashaq"halyqaralyq baǵdarlamalar ortalyǵynyń burynǵy basshylary men qyzmetkerlerin jaýapkershilikke tartý boiynsha jedel is-sharalardy jedeldetý úshin Bas prokýrorǵa hat joldaǵanyn málimdedi.
"Valeriia Gavrilienko aqshany tolyq qaitaramyn dep ózine jaýapkershilik aldy, tiisti kelisimshartqa qol qoiyldy. Ol aqshany tóleýdi bastady. Sondyqtan garant ielerine eshqandai shaǵym joq. Biz jaýap berýshi 3 tarapqa shaǵym túsirýge májbúr boldyq. Sebebi, zań aiasynda olar da jaýapty. Osylai isteýge májbúr boldyq. Valeriia Gavrilienko barlyq aqshany tólese, garant ielerine shaǵym bolmaidy. Meniń oiymsha, olarǵa durys keńes berilmegen. Olar qaýipti sezip, zalaldy tolyq óteimiz dep oilanǵan. Búginde barlyq shaǵym Valeriia Gavrilienko qatysty", - dedi vedomstvo basshysy.
"Bolashaq" eks-stipendiaty Ulybritaniiadan Qazaqstanǵa ekstraditsiialanady ma degen suraqqa Saiasat Nurbek: "biz de kóshi-qon qyzmetine tiisti saýaldar daiyndaimyz", - dedi.
Eske salaiyq, Astanada "Bolashaq" baǵdarlamasyna qatysty týyndaǵan daýdan keiin 24KZ telearnasynyń keshki jańalyqtar bóliminiń shyǵarýshy-redaktory Natalia Vorobeva men Prezident janyndaǵy Ortalyq kommýnikatsiialar qyzmetiniń júrgizýshi-moderatory, 24KZ telearnasynyń burynǵy telejúrgizýshisi Maqpal Dáribaeva prezident Qasym-Jomart Toqaevtan kómek suraǵan edi.
