Bolashaqta qazaqstandyq túlekter ulttyq biryńǵai testileýdi elektrondy formatta tapsyra alady. Bul týraly búgin bilim jáne ǵylym ministri Ashat Aimaǵambetov málimdedi, dep habarlaidy Sputnik Qazaqstan.
Bilim ministrligi UBT ótkizý protsedýrasyn ózgertýdi josparlap otyr.
"Oqýshylar túrli ádispen júieni "aldap soqqysy" keletini jasyryn emes. Telefon alyp kiredi, baldy óz bilimimen emes, kómekshi quraldardyń kómegimen jinaý týraly kóbirek oilaidy. Sondyqtan biz UBT tapsyrý júiesin birtindep elektrondy formatqa kóshirýdi josparlap otyrmyz. Osyndai josparymyz bar", - dedi ministr tamyz konferentsiiasynda.
Aimaǵambetov UBT granttardyń ashyq ári ádil bólinýine kepildik berýi qajet ekenin atap ótti.
Aita ketsek, astanadaǵy Táýelsizdik saraiynda prezidenttiń qatysýymen dástúrli tamyz konferentsiiasy ótip jatyr. Jiynǵa respýblikanyń túkpir-túkpirinen eki myńǵa jýyq muǵalim kelgen.
