Ár telearna men radioarnada jýrnalistika kafedralarynyń filialyn ashý kerek. Bul týraly L. N. Gýmilev atyndaǵy Eýraziia ulttyq ýniversitetiniń rektory Erlan Sydyqov málim etti, dep habarlaidy QazAqparat.
«Bolashaq jýrnalistiń ustahanasy – aýditoriia nemese ýniversitettiń ishi emes, BAQ qainaǵan orta, mekeme. Mysaly, Qazmedia ortalyǵynda, ár telearna men radioarnada jýrnalistika kafedralarynyń filialyn ashý – eń birinshi osy aqparat mekemelerine kerek. Stýdentter sol jerde júrýi kerek. Sol kezde ǵana stýdentter jýrnalistik tsehty sezinip, aqparat daiyndaý úderisine tolyq sińise alady», - dedi E. Sydyqov onlain-formatta «Qazaqstan Respýblikasyndaǵy jýrnalistika deńgeii» taqyrybynda ótken talqylaý barysynda.
Sonymen qatar EUÝ rektory ýniversitet aiasynda kásibi sheberlikti arttyrý kýrstaryn ashyp, túrli mamandyqty qosymsha jýrnalistikaǵa tartýdy da qarastyrý kerektigin atap ótti.
«Áitpese, mysaly, mamandanǵan ekonomist-jýrnalist, sotsiolog-jýrnalist, zańger-jýrnalist jáne basqalary aýadai qajet. Osylardyń barlyǵyna qosymsha bilimdi ýniversitter berýi kerek», - dedi Erlan Sydyqov.
